Peyğəmbərin həyatı tarixindən məlumdur ki, Yunis (İohan) Nineva şəhərinin tayfasına göndərilmiş Peyğəmbərdir. O, səmərəsiz olaraq otuz il ərzində öz xalqına dualar oxumaqla, onların həqiqi dinə çağırış yollarını axtarmaqla məşğul olmuşdu. Bu müddətdə o, yalnız iki nəfəri düz yola çəkə bilmiş, qalanları isə əvvəlki kimi bütlərə sitayiş etməkdə davam etmişdilər. Yunis biləndə ki, onun tayfasını 40 gün ərzində fəlakət gözləyir, Allahın göstərişini gözləmədən onları tərk edir. Müəyyən olmuş gün yer, qara tüstü və dumanla örtüldü. Yaxınlaşan küləyin dəhşətli uğultusu eşidilirdi. Yunisin tayfası günahkar olduqlarını başa düşəndə öz peyğəmbərini axtardılar ki, onun dinini qəbul etsinlər. Onu heç yerdə tapmadılar. Yunis gəmiyə minərək bu yerləri çoxdan tərk etmişdi. Gəmi sahildən ayrılan kimi tufan başlayır və batmaq təhlükəsində qalır. O, dayanır və yerindən tərpənmir. Gəmi sahibləri münəccimdən bunun səbəbini soruşduqda deyırlər ki, o, yerindən tərpənməyəcək. Qaçmış qulun kim olduğunu bilmək üçün pişk atılır. Püşk üç dəfə Yunis peyğəmbəri göstərir. O, özünü gəmidən atır. Bu dəmdə onu böyük bir balıq udur, ( Bu, onun Allahdan izni olmadığı üçün göndərilən bir cəza idi) lakin o, balığın boğazında Allahın adını zikr etdi və Allahdan izinsiz hərəkət etdiyi üçün bağışlanmasını istədi. Bu zaman o, « Lə ilahə illa əntə sübhanəkə, inni kuntu minəzzalimin» -bağışlamaq duasını dilinə gətirmişdi. ( Bu haqda Qurani - Kərimin «Saffat» surəsinin 143-144-145 ci ayələrində bəhs edilir.) Bu tarixçə ətrafında çoxlu şaiyələr dolaşmışdır. 1978-ci ildə (adını çəkmək istəmədiyim) bir ateist mühazirəçi həmin məsələyə tez- tez toxunurdu. O, deyirdi:
« Quran yazır ki, guya Yunisi balıq udub. Balıq necə uda bilər?...
zaldan gələn atmacalarla:« Bəlkə, bu balina olub?»- deyə cavab verirdi «Anatomik quruluşuna görə insan balinanın boğazından keçə bilməz. Bundan sonra Qurana necə inanaq?»- deyə o özündən razı halda çıxış edirdi.
1891-ci ildə Cənubi Atlantika, Folklend adaları yaxınlığında « Start of the East» trayleri balıq ovundan qayıdarkən nəhəng yırtıcı balıqla qarşılaşdı. Dənizçilər onu tutmağa çalışdılar. Onlardan biri- eyms K. Bartley suya yıxıldı, qəvvaslar ou axtarıb tapa bilmədilər. Yırtıcı ilə ötüşmək bir neçə saat çəkdi. Nəhayət, yaralı halda onu ( nəhəng balığı) gəminin göyərtisinə çıxartmaq mümkün oldu. Onu parçalayanda balığın mədə hissəsində dənizçilər şişi gördülər . Onlar elə zənn edirdilər ki, bu mədəyə toplanılan ənbər yağıdır və onu yardılar. Bu zaman hamı heyrətə gəldi. Bu, batmış hesab etdikləri K. Bartley idi. O , tamamilə seliyə bürünmüş olduğuna baxmayaraq, hələ də sağ idi. Onu yaxınlıqdakı hospitala apardılar. Onun balığın mədəsindən çıxarıldığını eşidən həkimlər gülməkdən özlərini saxlaya bilmədilər. Lakin, müayinədən sonra dənizçilərin haqlı olduğuna əmin oldular. Bu hadisədən sonra hamı onu balığın qarnında olan adam kimi tanıyırdı. Sonralar, Amerika yazıçısı Keyt Siestin sayəsində, bu hadisə bütün dünyaya səs saldı.
K. Bartley balğın qarnında tam bir gün qalmışdı və təfsirlərə görə Yunis peyğəmbər də balığın qarnında eyni müddət qalmışdır. Məşhur dəniz tədqiqatçısı Kapitan Kusto dəniz yırtıcılarnı tədqiq edib.« Yunisi udan balıq»- sənədli filmini çəkmişdir.
Beləliklə, iri ağızlı, 500 kq çəkidə nəhəng balina tapılmışdır. Sən demə, bu balığın ağız boşluğu və boğazı o qədər genişdir ki, oraya hətta, özündən bir az kiçik balina daxil ola bilər. Həmçinin, onun nəhəng mədəsinin 1 sutka oksigen ehtiyatına malik olduğu aşkar edilmişdir.
İlahi dəlillər kitabı