Ərbəin yürüşü rəsmən başladı

Ərbəin ziyarətçilərinin ilk qrupu İraqın ən cənub nöqtəsi olan Bəsrə əyalətinin Rəs Əl-Bişə bölgəsindən Kərbəlaya doğru getməyə başladı.

Ərbəin nədir?
Ərbəin (qırxıncı gün); Hicri təqvimlə Səfər ayının 20-si Həzrət İmam Hüseynin (ə) Ərbəin günüdür. Bu, hicrətin 61-ci ilində İmam Hüseyn və səhabələrinin Kərbəlada şəhid olmasından keçən qırx gündür.
Bu gün də, Məhərrəm ayının onuncu günü olan Aşura günü Kərbəlada şəhid olan Həzrət İmam Hüseyn (ə) və 72 səhabəsinin xatirəsini yaşatmaq üçün anım mərasimləri keçirilir.
Ərbəin yürüşü şiə müsəlmanlarının ən mühüm müqəddəs mərasimlərindən biridir. Milyonlarla insanın iştirak etdiyi bu mərasim dünyanın ən böyük müqəddəs mərasimlərindən biridir.

iqna.ir