İspaniyanın cənubunda müsəlman cəmiyyətinin əhalisi artır

05 Iyun 2024 - 10:11

"Europasur" qəzeti "Algeciras Allah üçündür; İslam Cənubi Avropaya qayıtdı" başlıqlı məqaləsində İspaniyanın cənubundakı bu şəhərdə müsəlman əhalinin artması məsələsini müzakirə edib.

Qəzetin xəbərində bildirilir ki, İspaniyanın ən cənub hissəsində yerləşən bu şəhərə son illərdə Mərakeşdən gələn mühacir axını müşahidə olunub və bu, müsəlman cəmiyyətinin formalaşmasına səbəb olub.

Qəzet şəhərin 14-cü əsrdə bölgəni tərk edən müsəlmanlardan tutmuş, 20-ci əsrin sonlarında Mərakeş köçünün artmasına qədər şəhərin əsrlər boyu müsəlmanlardan uzaq qaldığını qeyd edir.

2005-ci ildə yüzlərlə mərakeşli mühacir ailələri ilə birlikdə Algecirasa gələrək müxtəlif sosial və mədəni strukturlar qurdular. Tezliklə ilk məscidlər açıldı, halal mağazalar, restoranlar fəaliyyətə başladı.

Xəbərə görə, Əlgeciras çoxlu məscidlər, dini məktəblər və mədəniyyət mərkəzləri ilə canlı və rəngarəngdir və bu gün müsəlmanların sayı əhalinin 10%-nə bərabərdir.

Həmçinin qeyd edilib ki, bu şəhərdəki müsəlman icmasının çoxu yoxsulluq və işsizliklə mübarizə aparır və bəzi yerli sakinlər tərəfindən ayrı-seçkiliyə məruz qalır.

Habelə xəbərdə İslamın gələcəyinin bu şəhərdə parlaq göründüyü və İspaniyada müsəlman icmasının böyüdüyü, inkişaf etdiyi və ispan cəmiyyətinə daha çox uyğunlaşdığı bildirilib.

 

 

iqna.ir