İnsan ötən ilin Ramazan ayında xəstəlik üzündən bir neçə gün oruc tutmayıb, həmin orucların qəzasını da etməyib. Onun boynuna hansı cərimə gəlir?

Əgər insan Ramazan ayı ərzində qəsdən, üzürsüz səbəbdən bir ya bir neçə gün oruc tutmazsa və ya orucunu pozarsa, mütləq qəzasını tutmalı və bəzi hallarda (hansı əməllə orucu pozmasından asılı olaraq) kəffarə də ödəməlidir. Əgər xəstəlik üzündən oruc tutmasa və ya orucunu pozsa, növbəti Ramazan mövsümünə kimi həmin günün orucunu qəza etməlidir. Belə ki, ac qalmaq ona həqiqətən zərər yetirəcəyini bildiyi üçün yeyib-içsə, gələn ilin Ramazan ayına kimi xəstəlikdən sağalsa, gərək tutmadığı orucları qəza etsin. Əgər xəstəlik üzündən oruc tutmasa, amma xəstəliyi növbəti ilin Ramazan ayına kimi davam etsə və qəza orucu tutmağa da imkanı olmasa, gərək hər günün əvəzində fəqir (ehtiyaclı) şəxsə 750 qram miqdarında yemək versin. Əgər xəstəliyi bir neçə il ardıcıl davam etsə və axırda sağalsa, hər ilin Ramazan ayının hər günü üçün fəqirə 750 qram yemək verməli, axırıncı Ramazanın orucunu da qəza etməlidir, bütöv xəstə olduğu əvvəlki illərin orucunu isə qəza etmək vacib deyil.

 

islam.az