Quranın xilaskar camaat üçün möhtəşəm vədi

28 Fevral 2024 - 10:55

Qurani-Kərim möminlərin və əməlisalehlərin hakimiyyətini və canişin olacaqlarını Allahın Öz mömin bəndələrinə verdiyi “ilahi vədi” kimi ifadə edir. Həmçinin onları əmin-amanlıq və aramlıqla müjdələyir: “Allah aranızdan iman gətirib yaxşı işlər görənlərə -yalnız Mənə ibadət edərlər, heç nəyi Mənə şərik qoşmazlar, deyə -onları özlərindən əvvəlkilər kimi yer üzünün varisləri edəcəyini, onlar (möminlər) üçün onların Allahın Özü bəyəndiyi dinini (islamı) möhkəmləndirəcəyini (hər tərəfə yayacağını) və onların qorxusunu sonra əmin-amanlıqla (arxayınçılıqla) əvəz edəcəyini vəd buyurmuşdur. Bundan sonra küfr edənlər, şübhəsiz ki, (Allahın itaətindən çıxmış) əsl fasiqlərdir!” (Nur, 55).

Bu ayə saleh əməllərlə möminlərin bir neçə xüsusiyyətə malik bir cəmiyyət yaradacaqlarını vəd edir; birincisi, “Onların yer üzündə varisliyi, sələflərin və keçmiş ümmətlərin canişini olmaq kimi”; Yəni onların saleh cəmiyyəti yer üzünə elə varis olacaq ki, güc və qüdrət sahibi olan keçmiş xalqlar hökmranlıq etdilər. Qaimin bu canişinliyi onların saleh ümmətinə aiddir, müəyyən şəxslərə deyil, bütün ümmətə və ümmətdən olan xüsusi şəxslərə deyil. Bu insanlar “sizdən iman gətirib yaxşı işlər görənlər” ayəsinin nümunələridir.

İkincisi, “yer üzündə dinlərini gücləndirmək”; bu o deməkdir ki, onların bəyənilən dinini qorunar. Elə ki, prinsiplər arasındakı ixtilaf və füruiddinə əməl etməkdəki səhlənkarlıqları dinlərini sarsıtmasın və nifaq onlara daxil olmasın. Bu din, müsəlmanların yetmiş üç məzhəbə çevrilib bütün digər məzhəbləri kafir saydıqları, hətta bəzilərinin qanını halal saydıqları, namuslarını və mallarını halal hesab etdikləri bir şəraitdə deyil.

Üçüncüsü, “qorxunu təhlükəsizliyə çevirmək”; yəni, təhlükəsizlik onların cəmiyyətinə elə kölgə salmalıdır ki, onlar nə dinlərinin və dünyalarının daxili düşmənlərindən, nə də açıq və ya gizli xarici düşmənlərdən qorxmasınlar.

Ümumilikdə bu cəmiyyətlə bağlı verilən üç vədə belədir; yer üzündə varislik və hökmranlıq, hər yerdə köklü formada təslimiyyət və dindarlıq yaranır və təhlükəsizliyin bütün səbəbləri ortadan qalxır. Üç dəfə “and içmə mənasına olan lam hərfi” və “təkidi göstərən nun hərfi” ilə vurğulanan bu əzəmətli vəd indiyədək həyata keçməyib. Nə vaxt imanlı və ləyaqətli cəmiyyət bütün dünyada iqtidarla öz ədalət və saleh hökmranlıqlarını bərqərar edib, həyat sahələrində ədalətli nizam-intizamı tam hürriyyətlə, qorxu və narahatlıq olmadan həyata keçirə bilsələr baş verəcək. Şübhəsiz ki, bu Quran vədi, xilaskarın dövründə gerçəkləşəcək. Allah Rəsulundan (s) mütəvatir şəkildə gələn xəbərlər belə bir cəmiyyətin yaranmasından xəbər verir.

 

iqna.ir