Peyğəmbərin (s) Əhli-beytindən olan məzlumlar yerin varisləri olacaq
27 Fevral 2024 - 13:19“Qəsəs” surəsinin başlanğıcı bəni-israilin tarixi və Həzrət Musanın (ə) doğulması və böyüməsi hekayəsidir. Baxmayaraq ki, bütün bu ayələrdə fellər keçmiş zamanda işlənib, “Qəssəs” surəsinin 5-ci və 6-cı ayələrində gələcək zamanda 5 fel işlədir və deyir: “Biz isə istəyirdik ki, o yerdə zəif düşüb əzilənlərə mərhəmət göstərək, onları (xeyirxah işlərdə) öndə gedənlər və (Fironun mülkünə) varislər edək. Və onları yer üzündə yerləşdirib möhkəmləndirək” (Qəsəs, 6-5).
“Müstəzəf” Quran məfhumunda qüdrət, plan və məqsəddən məhrum bir ünsür deyil, təkamül üçün lazımlı qüvvələrə, iqtidar və əzəmətə malik olan, lakin hökmdarın zülmündən şiddətli təzyiq altında olan biri deməkdir. Eyni zamanda ədalət, hürriyyət və təqva fikrində zəif saxlanmışdır. İmamlar dedikdə, rəhbərlər nəzərdə tutulur ki, başqaları onlara itaət etməlidirlər. Necə ki, başqaları imam camaata iqtida edirlər. “Minnət” böyük və ağır nemət vermək deməkdir. Bu ayədə imamət böyük ilahi nemət və Allahın təyinatıdır, çünki buyurur: “Və Allah onları rəhbərlər etdi”.
Bu ayədəki “nuridu”, indiki zaman felidir və davamlılığa dəlalət edir. Həmçinin Allahın mütləq iradəsi “müstəzəflər” adı altında daxil edilir və söhbət yalnız bəni-israilin zəiflərindən getmir. Aşağıdakı ayədə daxil olan rəvayətlər bu ilahi ənənənin ümumiliyinə dəlalət edir. Buna görə də ayənin məzmunu yer üzündə zəif olan bəni-israil qövmü ilə bağlı olsa da, ayənin zahiri Allahın qanun və iradəsinə dəlalət edir ki, bu da müəyyən şərtlərə uyğun olaraq bəzi məzlum insanları məğrurlara qalib edəcək. Xilaskarın zühuru bu təqdirin həyata keçirilməsinin ən yüksək nümunəsidir.
“Yəstəzifu taifətən minhum” “Bir dəstəni zəifliyə və acizliyə sürükləyir” (Qəsəs, 4) ayəsi, sanki zəif saxlanılanlara minnət qoyub onları imam təyin etdiyini deyir. Həm də onları zalımların hakimiyyətinin varisləri edəcəyini bildiri. Müslim və Buxarinin İslam Peyğəmbərindən (s) nəql etdiyi rəvayətə görə: “Məryəm oğlu İsa nazil olduqda və imamınız sizdən biri olduqda nə edəcəksiniz?” Məlim olur ki, yer üzərində varis olacaq zəif saxlanılmış qövm müsəlmanlardan olacaq.
Müslimin nəql etdiyi rəvayətdə də iki xüsusiyyət qeyd edilmişdir. Peyğəmbər (s) buyurmuşdur: “Ümmətimdən bir qəbilə Qiyamətə qədər həmişə haqq yolunda vuruşacaq, sonra Məryəm oğlu İsa nazil olacaq. Sonra o qəbilənin əmiri ona deyir: Gəl bizim üçün namazı bərpa et. İsa cavab verdi: Xeyr, bəziləriniz digərlərindən üstündür...”.
Bu rəvayətdən belə başa düşmək olar ki, birincisi, bu tayfa həmişə doğru yol uğrunda mübarizə aparmışdır. İkincisi, bu qəbilənin rəhbərinin elə bir məqamı və ləyaqəti var ki, ulul-əzm peyğəmbər ona iqtida edir. İndi ağlıma bu sual gəlir ki, bu İmam kimdir? 50-dən çox sünni mənbəsi Peyğəmbərin (s) dediyi bu rəvayəti qeyd etmişdir: “Mehdi mənim Əhli-beytimdəndir, Fatimənin (s) övladlarındandır”.
Əlbəttə ki, İbn Həcr Heysəmi və “Kənzul-Ümmal” kitabının müəllifi Müttəqi Hindi də bu hədisi gətirir. Həmçinin bu hədisin Müslimin kitabında olmasına işarə edir. Süyuti Peyğəmbərin (s) rəvayətini belə nəql edir: “İsa nazil olur, onların əmiri “Mehdi” deyir: “Gəl bizim üçün namazı bərpa et...”. Alusi də təfsirində deyir: “Bu rəvayətdə imam, Mehdidir”.
iqna.ir
