Quranda stress / 3

18 Fevral 2024 - 13:36

Bəzi hallarda stress xəstəlik deyil və həkimə müraciət etmədən müalicə oluna bilər. Ancaq bəzən stress xroniki və şiddətli olur. Xroniki stress, uzun müddət davam edən və bir insanın vəziyyəti kontrol edə bilmədiyini hiss etdiyi emosional təzyiq deməkdir. Xroniki stress bədəndə yüksək səviyyədə hormonlar yaradır ki, bu da fiziki ziyana səbəb ola bilər: Yüksək qan təzyiqi və ürək xəstəliyi, əzələ toxumasının zədələnməsi, immunitet sisteminin yatırılması və ya psixi sağlamlığa zərər.

Psixoloqlar hesab edirlər ki, xroniki stresslə mübarizə aparmaq üçün insanın xarici və daxili gərginliklərə qarşı “dözümlülük və davamlılığını” artırmaq lazımdır. Dözümlülük və davamlılığını kritik vəziyyətlərdə streslə mübarizə aparmaq bacarığı deməkdir.

İnsan dözümlülük gücünə malik olduqda, daxili güclərini idarə edər, işini itirmə, xəstəlik, yaxınını itirmə kimi çətinlik və problemlərdə aciz qalmaz. Ancaq dözümlülük məhduddursa, bir insan çətin vəziyyətlərdə məyus və depressiyaya düşə bilər və ya narkotik istifadəsi kimi təsirsiz müdafiə davranışlarına müraciət edə bilər.

Qurani-Kərim “səbr” kimi məfhumlarla əzmkarlığa işarə edir. Səbr insanın stressinin çarəsidir və Qurani-Kərimdə bu məzmunda buyurulur: “Şübhəsiz, (qəlblərinin dərinliklərindən) «bizim Tanrımız Allahdır» deyib sonra (onun əsasında) möhkəm dayananlar üçün (axirət aləmində) nə bir qorxu var və nə də qəmgin olarlar” (Əhqaf, 13). Allah yolunda əzmkarlıq insana təsvir olunmaz xoşbəxtlik gətirir və bu xoşbəxtlik Quranda dadlı su içməyə bənzədilir: “(Mənə vəhy olundu ki): «Şübhəsiz, əgər (ins və cin) yolda (əqidə və əməlin düz yolunda) sabitqədəm olsalar, mütləq onları bol su (maddi və mənəvi bərəkətlər) ilə sirab edərdik” (Cin, 16).

 

iqna.ir