Qəzzada şəhidlərin sayı 18 mini keçib

18 Dekabr 2023 - 19:55

Qəzza hökumətinin Media Ofisindən edilən yazılı açıqlamada hücumların 70-ci günü ilə bağlı yenilənmiş məlumatlar paylaşılıb.

Buna görə, hücumlarda şəhid olanların sayı indiyə qədər 8 mini uşaq və 6 min 200 qadın olmaqla 18 min 800-ə yüksəldi.

Şəhidlər arasında 300 tibb işçisi, 32 mülki müdafiə zabiti və 89 jurnalist olub.

Yaralıların sayı 51 minə yüksəlsə də, dağıntılar altında və yol kənarında olan 7500 nəfərin cəsədi hələ də tapılmayıb.

Hücumlar zamanı 126 dövlət binası dağıdılıb, 90 məktəb və universitet istismardan çıxarılıb, 282 məktəb və universitet qismən zədələnib, 112 məscid tamamilə dağıdılıb, 200-ü qismən dağıdılıb, 52 min 500 yaşayış evi tamamilə dağıdılıb. Qəzza zolağında 22 xəstəxana və 53 sağlamlıq mərkəzi xidmətdən çıxıb, 102 təcili yardım maşını zədələnib, 327 min insan yoluxucu xəstəliyə tutulub.

Xəstəxanalara edilən hücumların davamı olaraq Kamal Ədvan Xəstəxanası hərbi kazarmaya çevrildi, oradakı yaralılar və xəstələr Şifa Xəstəxanasına getməyə məcbur edildi. Kamal Ədvan Xəstəxanasının müdiri Əhməd Əl-Kahlut başda olmaqla 70 səhiyyə işçisi nəzarətə alındı.

İsrail xəstələri, yaralıları və tibb işçilərini su, qida və elektrik enerjisindən məhrum etməyə davam etdi, yaralıların və xəstələrin xəstəxanalara çatmasının qarşısını aldı.

 

iqna.ir