Hicazi xətti ilə yazılmış əlyazma Quranın ən kamil kolleksiyasının təqdimatı

18 Noyabr 2023 - 23:30

Tərcüməçi və Quran tədqiqatçısı Mürtəza Kəriminia cümə axşamı bildirib ki, Məşhəd İmam Rza hərəminin Müshəfi kimi tanınan bu əlyazma Quranın köhnə Hicaz xətti ilə yazılmış iki nüsxəsinin birləşməsidir və Quranın tam nüsxəsini təşkil edir.

Tədqiqatçı sözünə belə davam etdi: 252 səhifəlik bu əsər hazırda hicri birinci əsrə aid Quran mətninin 95%-dən çoxunu özündə ehtiva edən dünyanın ən mükəmməl Quran nüsxəsidir. Bu nüsxənin qiraətindəki fərqlər, mətn xüsusiyyətləri, orfoqrafik səhvlər, surələrin ardıcıllığına diqqət yetirilməsi və karbon 14 testi nüsxənin böyük hissəsinin hicri 1-ci əsrdə yazıldığını göstərir.

Bu Müshəfin xüsusiyyətlərinin birləşməsinə Quranın Hicaz xətti ilə yazılmış digər qədim versiyalarında nadir hallarda rast gəlinir. Odur ki, “Məşhəd Müshəfi” hicri birinci əsrdə Quran mətni tarixindəki inkişafları anlamaq üçün ən mühüm sənədlərdən biridir.

"Məşhəd mushəfi" hicri birinci əsrdə Mədinədə və ya Kufədə təqribən 50 x 35 sm ölçüdə böyük bir perqament parçasına yazılmışdır. və ehtimal edilir ki, bir neçə onillik sonraya qədər Kufədə olmuşdur. Bu əsər sonrakı əsrlərdə Xorasana köçürülmüş və Nişapurlu alimlərin əlinə keçmişdir.

Mürtəza Kəriminia bildirib ki, son 10 ildə bəzi nüsxələrin müəyyənləşdirilməsi ilə bağlı aparılan araşdırmalar bu nadir əsərin İmam Rzanın (ə) Hərəminin Kitabxanasında digər qədim Quranlar arasında yerini və əhəmiyyətini daha da ortaya qoyub.

O, həmçinin bildirib ki, “Məşhəd Müshəfi” 2022-ci ildə Alul-beyt institutu tərəfindən şərhli girişlə həm ərəb, həm də ingilis dillərində faksimil nəşr kimi çap edilib.

 

iqna.ir