Fatimeyi Zəhra (s) əsl müsəlman qadın obrazı

12 Oktyabr 2023 - 11:43

Həzrət Fatimə (s) Məhəmməd peyğəmbərin (s) və Həzrət Xədicənin (s) qızı idi. O, miladi təqvimi ilə 632-ci ildə Məkkədə anadan olmuşdur. Onun ləqəbləri arasında "Zəhra", "Siddiqə", "Kövsər" və "Bətul" var.

İslam Peyğəmbəri (s) onu o qədər sevirdi ki, “Fatimə mənim bədənimin bir parçasıdır və onu incidən məni incitmişdir” buyururdu.

Peyğəmbərin (s) bu kəlamı ailələr qız övladının olmasını özləri üçün ayıb hesab edəndə və qız övladı dünyaya gələndə onu diri-diri basdırdıqları zaman deyilmişdir. İslam Peyğəmbəri (s) Həzrət Fatimənin (s) dünyaya gəlməsindən sonra qızların və qadınların həqiqi vəziyyətini insanlara izah etdi və ondan sonra qız uşaqları diri-diri basdırılmadı.

Fatimə (s) bütün sıxıntılarda Peyğəmbərin (s) yanında idi; Hətta döyüşlərdə Peyğəmbərə (s) xidmət etmişdi. Əli ibn Əbi Taliblə (ə) evləndikdən sonra onun İslamın əsas prinsiplərini dəstəkləməsi və müdafiəsi daha da artdı.

Lakin İslam düşmənlərindən bəziləri Məhəmməd Peyğəmbəri (s) məsxərəyə qoymaq üçün onun qız övladı olmasını zəiflik hesab edərək Peyğəmbəri “nəsli kəsilmiş” və “naqis” adlandırırdılar. Bu sözlər İslam Peyğəmbərinin (s) narahat olmasına səbəb olmuşdu, buna görə də Allah İslam Peyğəmbərini (s) razı salmaq üçün “Kövsər” surəsini nazil etmişdir.

“Kövsər” “bol xeyir” deməkdir və təfsirçilər bu böyük xeyirin nə olduğu haqqında “peyğəmbər məqamı”, “Qurani-Kərim”, elm və irfan, cənnətdə bir çay, çoxlu səhabə, nəsil və övladın davamlılığı kimi müxtəlif fikirlər söyləmişlər. Amma əksər təfsirçilərin fikrincə, “Kövsər” dedikdə, Həzrət Fatimə (s) və onun övladları nəzərdə tutulur ki, onlar illər və əsrlər boyu davam edən bir nəsil olublar. Xüsusən də "Kövsər" surəsinin son ayəsi Peyğəmbəri (s) nəsli kəsilmiş biri kimi çağıran As ibn Vailə cavabdır. Bu ayədə Allah onu nəsli kəsilmiş adlandırmışdır.

“Kövsər” surəsindən başqa digər ayələr də Həzrət Fatimənin (s) şəxsiyyət və məqamına işarə edir. Onların arasında İslam Peyğəmbərinin (s) ailəsi və qohumlarına işarə edən “Mübahələ” (Ali-İmran, 61) ayəsi var ki, Həzrət Fatimə (s) onların arasında yeganə qadındır. Həmçinin Həzrət Fatimənin (s) də bir üzvü olduğu Peyğəmbərin (s) ailəsinin paklığına işarə edən təthir ayəsi (Əhzab,33) var.

Həzrət Fatimə (s) qadınların ailədə və cəmiyyətdə təsirli olması üçün örnək və nümunə kimi təqdim edilmişdir. Atasını və ərinin çətin günlərdə yanlnda olan, ictimai və siyasi sahələrdə müxtəlif fəaliyyətləri olan birisi və mütləq həqiqi müsəlman qadını tanımaq istəyiriksə, Həzrət Fatimənin (s) tərcümeyi-halını oxumaq ən doğru seçim olacaq.

 

iqna.ir