Beynəlxalq Olimpiya Komitəsi Paris Olimpiadasında hicaba qoyulan qadağanı rədd edib

02 Oktyabr 2023 - 15:43

Beynəlxalq Olimpiya Komitəsi Olimpiya Oyunlarında hicabın qadağan edilməsi planına qarşı olduğunu açıqlayıb.

Komitə Fransanın idman nazirinin dünyəviliyə hörmət məqsədilə 2024-cü il Olimpiadası zamanı hicabın qadağan olunacağını bildirməsindən sonra öz etirazını bildirib.

Bununla bağlı Beynəlxalq Olimpiya Komitəsinin sözçüsü deyib: "Bu qərar 2024-cü il Olimpiadasında həyata keçirilməyəcək. Olimpiya Kəndində Beynəlxalq Olimpiya Komitəsinin qaydaları tətbiq edilir. hicaba, dini və mədəni geyimlərə heç bir məhdudiyyət qoyulmur. Müvafiq beynəlxalq federasiyada müəyyən edilmiş qaydalar tətbiq edilir.

Fransanın idmançılarının hicab geyinməsinə mane olmaq qərarı BMT-nin İnsan Haqları üzrə Ali Komissarlığının da tənqidinə səbəb olub.

Fransada “hicablı qadınlar” kimi tanınan müsəlman qadın qrupu Fransa Futbol Federasiyasının reqlamentinin 1-ci maddəsinin qanuniliyinə etiraz etsə də, ölkə 2016-cı ildən hər hansı atribut və ya paltar geyinməyi qadağan edib.

Xatırladaq ki, Fransa gələn il iyulun 26-dan avqustun 11-dək Yay Olimpiya Oyunlarına ev sahibliyi edəcək.

 

iqna.ir