Quranın mövcud fransız tərcümələri arasındakı fərqin səbəbi

02 Oktyabr 2023 - 10:56

Əl-Cəzairin Sidi Bel Abbas Universitetinin Ədəbiyyat, Dil və İncəsənət fakültəsinin dilçilik və fransız dili ustadı Muxtar Zəvavi iki tədqiqat layihəsi haqqında bir neçə kitab nəşr etdirmişdir, birincisi Saussure-un yeni dilçiliklə bağlı, ikincisi isə Qurani-Kərimin fransızca tərcümələrinin öyrənilməsi ilə bağlıdır.

Qurani-Kərimin fransız dilinə tərcümələri ilə bağlı iki kitab yazmışdır ki, onlardan biri “Simyaiyyat tərcümətin-Nəssil-Qurani” (2015) (Quran mətninin tərcüməsinin semiotikası) və digəri "Fusulun fi tədavuliyyat tərcümətin-Nəssil-Qurani" (2018) (Quran mətninin tərcüməsinin praqmatikasında fəsillər). Bununla bağlı bir sıra fransızca məqalələr də dərc etmişdir.

O, təsdiq edir ki, onu Quranın fransızca tərcüməsinə cəlb edən bu cür tərcümələrin çoxluğu olub. 120-dən çox müxtəlif fransız tərcüməsini əldə edib, onlardan 50-dən çoxunu toplayıb.

Muxtar Zəvavi deyir: "Quranın fransızca müxtəlif tərcümələrinin olmasının müxtəlif səbəbləri var. Bu səbəblərdən bəziləri tərcüməçi ilə, bəziləri fransız dilinin xüsusiyyətləri və bu dildə mövcud olan imkanlarla əlaqədardır. Quran mətni və onun müxtəlif təfsirləri ilə bağlıdır".

İki kitabı və bir neçə məqaləsində Qurani-Kərimin fransız dilinə olan mövcud tərcümələri arasında böyük fərqin səbəbi ilə bağlı sualı cavablandırdığını bildirən ustad Əl-Cəzairi dedi: "Dərhal qəribə bir məsələ diqqətimi çəkdi. O, demək olar ki, bütün tərcüməçilərin ümumi xüsusiyyətidir. Onlar Quran mətnini vurğulayaraq, hər bir ayəni ayrıca tərcümə ediblər".

Bu üsul müxtəlif səbəblərdən yanlışdır, çünki mənanı pozur, ayələr arasındakı əlaqələri kəsir və vəqf keyfiyyətini pozur. Eyni zamanda bu məsələ Quranın mənasının daha yaxşı başa düşülməsinə səbəb olur. Bu səbəbdən Quran mətninin tərcüməsi üçün ən uyğun üsul hesab etdiyimiz bir üsul təklif etdik.

O, Qurani-Kərimin tərcüməsinin qeyri-mümkün olması fikrini təsdiq edərək dedi: "Tədqiqatçını Qurani-Kərimin tərcüməsinin qeyri-mümkün olduğu qənaətinə gətirən bir çox səbəblər var. Lakin biz araşdırmamızda bu mümkün olmayan məsələni dinləmə, söz və qrammatikanın üç səviyyəsində araşdırmağa başladıq. Fikrimizcə, bu səviyyələr birləşərək Quran mətninin möcüzəviliyini vurğulayır.

 

iqna.ir