Misirli alim: "Əhli-beyt nəslinin davam etməsi ilahi möcüzədir"

30 Sentyabr 2023 - 12:26

Misir Respublikasının keçmiş müftisi və bu ölkənin Böyük Alimlər Şurasının üzvü Şeyx Əli Cuma vurğulayıb: "Peyğəmbərin (s) Əhli-beyt nəslinin davam etməsi ilahi bir möcüzə və peyğəmbərlərin sonuncusu olan ağamız Həzrət Məhəmmədin (s) sözünün doğruluğunun təsdiqidir.

Şeyx Cümə Facebook-dakı paylaşımında deyib: "Ustadımız, Allahın Rəsulu (s) xəbəri çatdırdı və həqiqəti söylədi. Yeddi səmanın üstündən və böyük ərşdən o həzrətin peyğəmbərliyini təsdiq edən də göylərin və yerin Rəbbidir".

Şeyx Cümə Həzrət Peyğəmbərin (s) hədisini xatırladıb ki, o, Allahın kitabı və Əhli-beyti (ə) insanlara əmanət etdiyi iki qiymətli şey kimi vəsf etmişdir. O, bir çox müsəlman alimlərinin məşhur kitablarında bu mövzuya toxunulduğunu vurğulayıb.

Misirin keçmiş müftisi deyib: “Peyğəmbər (s) əmin idi ki, onun nəsli iki nəvəsi olan İmam Həsən (ə) və İmam Hüseyn (ə) vasitəsi ilə şərqdən qərbə qədər bütün yer üzünü əhatə edəcək.

O, bildirib ki, İmam Həsəni (ə) zəhərlədilər və şəhid etdillər. İmam Hüseyni (ə) isə öldürüldü və şəhid oldu. Lakin Allah-taala İmam Hüseynin (ə) oğlu İmam Zeynul-Abidini elə bu vəziyyətdə xilas etdi. Necə ki, İmam Həsən Müctəbinin (ə) övladlarından Həsən Əl-Müsənna və qardaşı Zeyd Əl-Əbləci xilas etdi. Bu üç pak insandan nəcib övladlar dünyaya gəldi.

Şeyx Cümə çıxışının sonunda deyib: "Peyğəmbər (s) qəbiləsinin və onun nəslinin davam etməsi haqqında gördüklərimiz ancaq Allahın lütfü ilədir".

 

iqna.ir