Misirdə Quranın Hicaz xətti ilə yazılmış köhnə nüsxəsi bərpa edilib

28 Sentyabr 2023 - 14:05

Misir Milli Kitabxanası və Arxivləri dünyada Quranın ən nadir və ən qədim nüsxələrindən biri olan Hicaz xətti ilə yazılmış Quranının bərpasının başa çatmasını qeyd edir.

Bu əlyazma Darul-Kitab və Milli Qeydlər Təşkilatı kolleksiyasında Hicaz xəttatlığı ilə yazılmış ən qədim və mühüm əlyazmalardan biri hesab olunur. Onun yaşı hicri qəməri birinci əsrə təsadüf edir. 32 səhifədən ibarətdir. 16 tək səhifə və 8 qoşa səhifədir.

Bu nadir əsərdə “Ali İmran” surəsinin tam mətnindən əlavə, 10 Quran mətnindən ayələr var. Qeyd edək ki, bu əlyazmanın digər hissələri Berlin Kitabxanasının kolleksiyasındadır.

Bərpa olunmuş nüsxənin təqdimat mərasimi çərşənbə günü, sentyabrın 27-də Fostatdakı Sənədlər Evinin baş qərargahında keçiriləcək.

Təqdimat mərasimində Qurani-Kərim nüsxəsinin tarixi və bərpa mərhələlərini, Darül-Kitabdakı əlyazmaların bərpası mərkəzini, müxtəlif bərpa və cildləmə mərhələlərini əks etdirən sənədli film nümayiş etdirilir.

Hicaz xəttatlığı ilk İslam yazılarından biridir və hicri birinci əsrdə Qurani-Kərimin yazılmasında istifadə edilmişdir. Sonralar bu xətt Kufi xətti ilə əvəz olundu.

 

iqna.ir