Hansı hallarda and içəndən sonra ona mütləq əməl etmək lazımdır? Əməl edilməsə günahdırmı?

İçilən andı yerinə yetirmək şəriətimizə görə vacibdir. Buna görə də insan and içməzdən qabaq ölçüb-biçməli və sözlərinə məsuliyyətlə yanaşmalıdır. Əgər insan içdiyi anda əməl etməsə, gərək on fəqiri doydursun və ya onları geyindirsin, əgər bunu edə bilməsə, gərək üç gün ardıcıl oruc tutsun. Lakin bu hökm bütün andlara şamil deyil. Andın mühüm şərti budur ki, Allahın adlarından biri deyilməlidir. Məsələn, “Allaha and olsun”, “tanrıya and olsun”, “Yaradana and olsun” və s. Qurana, peyğəmbərə, kiminsə canına and içmək keçərli deyil. Şərtlərdən biri budur ki, gərək andın mövzusu günah olmasın. Yəni insan bir günahı edəcəyinə (məsələn, araq içəcəyəm, kimisə öldürəcəyəm) və ya bir vacib əməli tərk edəcəyinə (məsələn, namaz qılmayacağam) and içsə, sayılmaz. Eləcə də, and içən adamın psixoloji baxımdan sabit vəziyyətdə olması şərtdir. Danışdığını bilməyəcək dərəcədə çox qəzəbli halda içilən and etibarsızdır.

 

islam.az