Peyğəmbərlərin məsumluğu haqqında bir neçə məqam

08 Avqust 2023 - 10:50

1- Bəzi insanlar peyğəmbərlərin məsumluğunu şübhə altına almaq üçün Quran ayələrindən istifadə ediblər. Ayə və rəvayətlərin xülasəsində məsumluq məqamına sahib olmaq Quranda qeyd olunan xəbərdarlıq və danlamaqla heç vaxt ziddiyyət təşkil etmir. Çünki bu məzəmmətlər məsumluğa yol aça və peyğəmbərlər haqqında bəzi mübaliğələrin qarşısını ala bilər. Necə ki, peyğəmbərlərin ardıcıllarından bəziləri onları Allah dərəcəsinə yüksəldiblər. Qurani-Kərimin peyğəmbərlərə ünvanladığı bu xəbərdarlıqlar onların insan olmalarına vurğudur.

2- Peyğəmbərlər təkcə təbliğdə deyil, əqidə və hökmlərdə də məsum olmalıdırlar. Həmçinin təkcə böyük günahlarda deyil, bütün günahlarda və təkcə bilərəkdən edilən sürüşmələrdə deyil, hətta xətalarda və ehtiyatsızlıqda da məsum olmalıdırlar ki, düşmən üçün heç bir bəhanə yeri qalmasın və dostun xatircəmliyinin aradan getməyinə səbəb olmasın. Quranda buyurulur: Yetərli dəlil-sübut Allaha məxsusdur” (Ənam, 149).

Doğrudan, əgər Peyğəmbər və ya imamlar məsum olmasalar, onların sözləri ilə əməlləri arasında heç bir ziddiyyət olmayacaq? Günahkar bir rəhbərin mövcudluğu ilə belə demək olarmı ki, Allah insanlara dəlili tamamladı?

3- Məsumluq peyğəmbərlərin duaları və bağışlanma diləmələri ilə ziddiyyət təşkil etmir. Çünki peyğəmbər və ya imam özünü Allahın hüzurunda gürür. Həmçinin qəlbən qəbul edir ki, Allah onun fikir və qəlbindən keçənlərdən və bütün işlərindən xəbərdardır. Habelə bütün sözləri qeydə alınır. Beləliklə də elə bir vəziyyətdə qərar tutur ki, hətta günah olmayan əməllərinə görə də utanır və xəcalət çəkir.

Nümunə: Evdə öskürürəmsə, utanmıram, amma televiziya verilişində kamera qarşısında çıxış edən zaman bir öskürəkdın belə əsəbləşib insanlardan üzr istəyirəm. Baxmayaraq ki, bu günah deyil və səhv deyil, amma bu üzr istəməyim ona görədir ki, özümü insanların yanında görürəm. Özünü Allah dərgahında görən Allah övliyaları ən kiçik bir hərəkətlərindən belə bir hiss keçirirlər. Bu, Peyğəmbərin və məsum imamların (ə) istiğfar və dualarının fəlsəfəsidir.

Möhsin Qəraəti tərəfindən yazılmış "Əqidə prinsipləri (Nübüvvət)" kitabından götürülmüşdür.

 

 

iqna.ir