Səmavi rəhbərlərin məsum (günah və xətadan uzaq) olma zərurəti

24 Iyul 2023 - 09:17

Digər tərəfdən, Allah xalqa qarşı dəlillərini tamamlamalı və bəhanələrə bəhanə yeri qoymamalıdır. Bu, ancaq məsum rəhbərlərin varlığının kölgəsində mümkündür.

Səhv və günahlardan amanda olmayan birinin üzərinə rəhbərlik məsuliyyətini necə yükləmək olar?!

Bundan əlavə, xalqın rəhbərliyini günahkar adama həvalə etmək insanlıq məqamına təhqir deyilmi?!

Qurani-kərim Həzrət İbrahimin (ə) duasını nəql edir ki, o: “Allahım! Mənim nəslimə imamət məqamı və imamlıq nəsib et. Amma dərhal Allah cavab verir:

"Bu ilahi əhd və imamət məqamı heç vaxt zalım və günahkar insana verilməz" (Bəqərə, 124).

Həmçinin Quranda Allah Rəsuluna (s) qeyd-şərtsiz itaət etmək əmr edilmişdir. Bu əmrin özü də onların məsumluğuna dəlildir. Çünki əgər peyğəmbərlər günah işlətsələr, Allahın Öz Rəsuluna (s) itaət etmək barədə verdiyi əmr şərtli olmalı idi. Necə ki, ata-anaya tabe olmaq əmri bu qədər əhəmiyyəti ilə şərtlidir. Övladlara azğın valideynlərə itaət etməməyi açıq şəkildə bildirir.

"Əgər (ata-anan) bilmədiyin bir şeyi Mənə şərik qoşmağına cəhd göstərsələr, (bu işdə) onlara itaət etmə" (Loğman, 15).

Valideynlərə şərti itaətlə Peyğəmbərə (s) qeyd-şərtsiz itaət arasında bir az dəqiqlik və müqayisə aparsaq, görmək olar ki, Peyğəmbər (s) ona tabe olmaqda heç bir şərtə ehtiyac qalmayan məsumluq səviyyəsindədir. Qurani-Kərimə görə:

"O, həva-həvəslə danışmır (nəfsinə uyub kefi istəyəni) demir. Bu, ancaq (Allah dərgahından) nazil olan bir vəhydir" (Nəcm, 3-4).

Möhsin Qəraəti tərəfindən yazılmış "Əqidə prinsipləri (Nübüvvət)" kitabından götürülmüşdür.

 

iqna.ir