Cinlər haqqında Quran təlimləri

28 Aprel 2023 - 10:18

Qurani-Kərimin yetmiş ikinci surəsi “Cin” adlanır. 28 ayədən ibarət bu surə Qurani-Kərimin iyirmi doqquzuncu cüzündə yer alıb. Məkkədə nazil olan bu surə İslam Peyğəmbərinə (s) nazil olan 40-cı surədir.

Bu surənin “Cin” adlandırılması birinci ayədə cin sözünün olması və bu surədə cinlərlə bağlı mətləblərin olması ilə bağlıdır. Bu surə Quran tilavətini eşidən, İslam dininə və dinin əsaslarına inanan bəzi cinlərin hekayətindən bəhs edir.

"Cin" surəsi insanların cin haqqında bəzi yanlış inanc və fikirlərini ortaya qoyur və onlara cavab verir. Bu surəs cini insanlar kimi ağıl, ixtiyar və vəzifə sahibi olan sirli bir varlıq olaraq tanıtdırır. Onun təbiət və şəraitinə görə normal şəraitdə insanlar onu görə bilmir və hiss orqanları ilə dərk olunmur. Bəzi ayə və rəvayətlərə görə, cin oddan yaradılmış və ya oddan birləşmişdir. Onun da insanlar kimi yaradılışında məqsəd Allaha ibadət etmək və ona bəndəlik etməkdir. Onun dünyəvi əməllərinə axirətdə baxılacaq. O, mömin və ya müşrik ola bilər.

“Cin” surəsinin əsas mövzusu tövhid və rübubiyyəti yalnız Allaha məxsus etmək və xalis ibadətdir. Həmçinin Allahdan qeyrisinə ibadətləri inkar etməkdir.

Bu surədə cin tayfasında iki qrup mömin və kafirin olduğu, bəzilərinin insanlar kimi əməlisaleh, bəzilərinin də pis olmasından bəhs edilir. Həmçinin İslam Peyğəmbərinin (s) dəvətinin insanlar və cinlər üçün ortaq olduğu vurğulanır.

Bu surədə deyilir ki, cinlər Quran ayələrini eşidən kimi “ərəb olmaq” və “hidayət” kimi iki sifəti dərk edib, ondan təsirlənib ona iman gətirdilər, lakin eyni müşriklər də eyni ayələri eşitdilər, Allahı inkar etdilər və Peyğəmbəri dəli və şair adlandırdılar.

Bu surənin davamında Allahın insanları Allahın nemətləri qarşısında imtahana çəkməsi, Allah qarşısında şükür etməyə vurğu etməsi və xalis ibadətdən danışır. Allahdan başqa heç bir şeyin insana fayda və zərər verə bilmədiyini bəyan edir. Həmçinin müşrikləri məğrur olduqlarına görə danlayır.

Bu surənin sonunda Allahın gizli elminə və onu istədiyi hər kəsə təqdim etməsinə, həmçinin Allahın hər şeyə hakim olmasına işarə edilir.

Bu ayələrə əsasən elm Allaha məxsusdur və Allah Öz zatında gizli elmi bilir; Bu halda Allahdan qeyrisi ilahi təlimlər vasitəsilə gizli bilik əldə edəcək.

 

iqna.ir