Misirdə ən böyük məscid və İslam mərkəzinin açılışı olub

24 Mart 2023 - 16:57

Misir prezidenti Əbdülfəttah Sisi bu cümə axşamı, martın 23-ü səhər ölkənin ən böyük məscidinin açılışını edib. Bu mərasimdə Sisi yeni inzibati paytaxtın tikintisində çalışan fəhlə və mühəndislərə qoşularaq, obaşdan süfrəsində iştirak edərək müqəddəs Ramazan ayının gəlişini qeyd edib.

O, yeni paytaxtda son bir neçə ildəki səyləri yüksək qiymətləndirərək, qısa bəyanatında dedi: "Bu möhtəşəm tədbirdə iştirak etmək vacibdir".

Misirin ən böyük məscidi olan bu məscid Silahlı Qüvvələr Mühəndislik heyətinin nəzarəti altında ərəb podratçılar tərəfindən 800 milyon funt-sterlinqdən çox xərclə tikilib.

Bu məscidin sahəsi 19 min 100 kvadratmetrdir və bu məscidin ümumi tutumu 107 min nəfərə yaxındır. Bu məscidin bəzəkli günbəzli 3 əsas girişi və qulluqçular üçün bir girişi var.

Sahəsi 9600 kvadratmetr olan məscidin əsas həyətində 12 min nəfər ibadət edə bilər, onun üzərində diametri 29,5 metr olan günbəz və 350 metr sahəsi olan 6 zal var. Bu məscidin çələnginin uzunluğu təqribən 140 metrdir. "Misir məscidi" adlandırılan bu məscid dünyanın ikinci ən böyük məscididir.

Yeni paytaxtın tikintisinə 2015-ci ildə başlanılıb. Tamamlandıqdan sonra 6,5 ​​milyon insanın yerləşəcəyi güman edilir. Yeni paytaxt Qahirədən 60 kilometr aralıda, Qahirə-Süveyş və Qahirə-Əyn Səxnə yolları arasında yerləşir.

 

iqna.ir