Səmavi səsli qarini xatırlayaq

14 Mart 2023 - 12:06

Misirli məşhur qari Şeyx “Şaban Əbdül-Əziz Səyyad” 1940-cı il sentyabrın 20-də tanınmış Quran ailəsində anadan olub. Onun atası Şeyx Əbdül-Əziz İsmayıl Səyyad gözəl əxlaqı və gözəl səsi ilə məşhur olub. O, müxtəlif kəndlərdə, rayonlarda tanınmış bir sima idi.

Şaban Səyyad məşhur olduğu üçün məclislərə gedib sevənləri üçün Quran oxuyurdu. Bu misirli qari Misirin Əl-Əzhər Universitetinin ustadlarından biri olduğu üçün dövrünün digər qiraətçilərindən fərqlənirdi.

31 iyul 1966-cı ildə o, qlobal qiraətçi kimi tanındı və 1975-ci ildə Misir Radiosuna daxil olaraq proqram icra etdi.

Bu misirli qari gözəl səsi, uzun nəfəsi və müxtəlif vokal muğamlarını ifa etmək məharəti ilə böyük Misir qiraətçiləri arasında xüsusi yer tuturdu.

“Səhərin padşahı” (Məlikul-Fəcr), “İslam aləminin qarisi”, “Səmavi səsin sahibi”, “Qərilərin cəngavəri” və “Məclislərin ulduzu” Şeyx Səyyada verilən ləqəblər idi. O, bütün ömrünü Quran tilavəti ilə keçirmiş, əl-Əzhər Universitetində dərs demək və bu universitetdə dosent və müəllim kimi işləməkdənsə, Quran tilavəti sahəsində işləməyi və dostlarının əhatəsində olmağı üstün tutmuşdur.

Misirli məşhur musiqiçi mərhum “Əmmar əş-Şərii” bu misirli qari haqqında deyib ki, musiqinin bütün şərti qaydalarını pozduğuna görə “Şeyx Səyyadın səsinə təəccübləndim. Şaban Səyyad qiraətində tamamilə səlis hərəkət edir və sadəcə olaraq axan su kimi mümkün qədər tam şəkildə enirdi.

Şeyx Səyyad müxtəlif ölkələrdən bir çox mükafatlar, medallar və təşəkkürnamələr almışdı, onlardan sonuncusu Bruney Kralından aldığı medal idi.

O, həmçinin İordaniya, Suriya, İraq, İndoneziya, Fransa (Paris), İngiltərə (London) və Amerika daxil olmaqla bir çox ərəb, islam və qeyri-islam ölkələrinə səyahət etmişdir.

1994-cü ildə onda böyrək çatışmazlığı əlamətləri yarandı, lakin buna baxmayaraq, xəstəlik onu tamamilə yerə yıxana qədər qiraət etməyə davam etdi.

Şeyx Şaban Əbdül-Əziz Səyyad nəhayət 1998-ci il yanvarın 29-da səhər saatlarında Fitr bayramı ilə eyni vaxtda 58 yaşında vəfat etdi.

 

iqna.ir