Kimlər Allahın salamına layiq olar?

08 Mart 2023 - 11:23

“Bəqərə” surəsinin 157-ci ayəsi səbirli insanların həyatı ilə bağlı gözəl bir həqiqətdən xəbər verir. O da budur ki, bu dəstə Allahın salavatına layiq görülür: ««أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ

“Onları Rəbbi tərəfindən salamlar və rəhmət yetişən kəslərdir və onlardır hidayət olunmuşlar!".

Bəs ilahi salavat nə deməkdir? Lüğət kitablarında “salat” kəlməsi “diqqət” və “mülayimlik” mənasındadır, “Əl-mizan” təfsirində isə salavatın mənasının Allah tərəfindən rəhmət, mələklərdən bağışlanmaq, insanlardan edilən dua olduğu bildirilir.

Ayətullah Cavadi Amuliyə (5 may 1933-cü il təvəllüdlü, şiə mərcəyi-təqlidi və iranlı) görə, Allahın salavatı dildə deyil; Çünki Allahın sözü Onun əməli ilə eynidir. Həmçinin Allahın əməli də Allahın aydın və qəti sözüdür. İnsanın öz daxilində hiss etdiyi nuranilik, aydınlıq və təmizlik Allahın salavat və bərəkıətlərinin təsirlərindəndir. Bu nuraniliyin nəticəsidir ki, insanlar Allahın əmrlərinə tabe olmağa maraq göstərir, günaha nifrət edir, cəhənnəmdən qorxur və cənnətə can atır. Bütün varlıqları ilə Allah dostlarına məhəbbət göstərirlər.

İlahi salavat Allahın ən uca sifəti olan "Hənnan" sifətini bəyan edir. "Hənnan" əta edən mənasındadır. Çünki salavatın mənasında mehribanlıq və mülayimlik vardır. Buna görə də salavat Allahın səbr edənlərə xüsusi salam verməsidir. Ya da Allahın səbr edənlərə əməli lütfünü və ehsanını göstərmək deməkdir. Odur ki, səbr edənlərin daha çox uğur qazanmasına və daxili nuraniliyinə səbəb olur.

Təfsirçilər salavatın müxtəlif dərəcələrə malik ola biləcəyini söyləyiblər. Ayətullah Cavadi Amuli izah edir ki, Peyğəmbəri-əkrəm (s) ilahi salavatın nəticəsində o həddə çatıb ki, özü də salavat mənbəyi olub və onun vasitəsilə salavat başqalarına da çatıb.

Allahın salavatı insanın böyüklüyü və nuraniliyi üçündür:

« هُوَ الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُم مِّنَ الظُّلُمَاتِ إِلَى النُّورِ»

“Sizi zülmətdən nura çıxartmaq üçün mələkləri ilə birlikdə sizə salam göndərən Odur” (Əhzab, 43). Bu salavat Allah adamları üçün qaranlığın hücumunun qarşısını almaq və başqaları üçün daxili qaranlığı aradan qaldırmağa xatirdir.

 

iqna.ir