İlahi qanunlara məhəl qoymayanlar barədə Quranın gözəl misalı

28 Fevral 2023 - 10:58

Qurani-Kərimin 62-ci surəsi “Cümə” adlanır. 11 ayədən ibarət bu surə Qurani-Kərimin iyirmi səkkizinci cüzündə qərar verilmişdir. Mədinədə nazil surələrdən biri olan "Cümə" surəsi İslam Peyğəmbərinə (s) nazil olan yüz doqquzuncu surədir.

Müsəlmanların inancına əsasən, “Cümə” həftənin son günüdür. Bu surə cümə namazının qaydalarına və onun şərtlərini bəyan etdiyinə görə “Cümə” adlandırılmışdır. Allah bu surədə cümə namazının əhəmiyyətindən bəhs edir və müsəlmanlara cümə namazı zamanı alış-verişdən çəkinməyi tövsiyə edir.

“Cümə” surəsinin iki əsas mövzusu var: birincisi tövhid, Allahın sifətləri, peyğəmbərlik məıqamının mövzusu və məad məsələsi, digəri isə cümə namazının qurucu proqramı və bu böyük ibadətin bəzi xüsusiyyətləri ilə bağlıdır.

"Cümə" surəsi göylərin və yerin bütün məxluqatının Allahı təsbih etməsinə işarə etməklə başlayır. Həmçinin bildirir ki, Allah sadə və savadsız insanlar arasından onları gözəl əxlaqı ilə hidayət etmək üçün bir peyğəmbər seçmişdir.

Həmçinin müsəlmanlara xəbərdarlıq edir ki, İslam Peyğəmbərinin (s) dövrünün yəhudiləri kimi olmasınlar. Onlar müqəddəs Kitabın və Peyğəmbərin sözlərinə əməl etmirdilər. Tövrata zahirdə iman gətirsələr də, onun məzmun və mənalarından heç bir anlayışları yox idi. Onlar yalnız onu daşıyan heyvanlar kimi idilər. Halbuki, Allahla xüsusi bir dostluq etdiklərini zənn edərlər, amma əslində onlara zalım deyilirdi.

Bu surə müsəlmanları cümə namazında iştirak etməyə təşviq edir; Bu, müsəlmanları birləşdirən, xalqla cəmiyyət rəhbərliyi arasında əlaqə yaradan mərasimdir. Bu səbəbdən, Quranda cümə namazında iştirak üçün axirət savabları ilə yanaşı, dünya savabları da qeyd olunur.

Bu surədə ən mühüm göstərişlərdən biri budur ki, cümə namazının vaxtı gəldikdə bazarı və alveri tərk edin və Allahı zikr etmək üçün hərəkət edin. Bu əmrə zidd hərəkət edən və Allah Rəsulu (s) xütbə ilə məşğul olduğu halda onun yanından ayrılıb alqı-satqıya gedən insanları qınayır. O, belə insanların bu rəftarının Allahın kitabından və ilahi əmrlərdən mərifət və anlayışa malik olmadıqlarına işarə etdiyini bildirir.

 

iqna.ir