Poniçala (Soğanlıq) qəsəbəsində "Gürcü ədəbiyyatında İslam və müsəlmanlar" adlı seminar keçirilib

Tbilisinin Poniçala (Soğanlıq) qəsəbəsində yerləşən Əl-Mustafa təhsil mərkəzində "Gürcü ədəbiyyatında İslam və müsəlmanlar" adlı seminar keçirilib. 24News.ge xəbər verir ki, seminarda gürcü və azərbaycanlı elm adamları, ictimaiyyət nümayəndələri, din xadimləri, həmçinin Əl-Mustafa təhsil mərkəzində təhsil alan tələbələr və digər bir sıra qonaqlar iştirak ediblər. Tədbirin moderatoru, beynəlxalq hüquq fakültəsinin magistırı ilahiyyatçı Kamran Məmmədov ilk öncə çıxış edərək seminarın məqsədinin iki xalq arasında mövcud dostluq əlaqələrinin qorunub saxlanmasına və tolerant, sülh ortamın qorunub saxlanılmasına xidmət etdiyini bildirib. Seminarda çıxış edən Cavaxaşvili adına dövlət universtetinin professoru Giorgi Lobcanidze, Əl-Mustafa Beynəlxalq Univerisitetinin Gürcüstan nümayəndəsi Həsən Yusifzadə və Filoloq, ədəbiyyatşunas Oktay Kazımov gürcü ədəbiyyatında müəslman və azərbaycanlılara qarşı münasibətdən danışıblar. Onlar Mixeil Cavaxaşvilinin, Şota Rustavelinin və digər gürcü yazarların əsərlərindən nümunələr gətirərək, azərbaycanlılar barədə yazarların fikirlərini görüş iştirakçılarının diqqətinə çatdırıblar. Qeyd olunub ki, gürcü yazarlar Gürcüstanda yaşayan müsəlmanlar və azərbaycanlılar barədə ancaq xoş fikirlər söyləyib və dürüst, sadiq, vəfalı, həmçinin doğru danışan bir xalq kimi qiymətləndiriblər. Qeyd edək ki, əməkdaşlarımızın seminardan hazırladığı daha geniş reportajı axşam saat 21:00-da xəbər portalımızda yayımlanan "Xəbər Vaxtı" informasiya buraxılışında izləyə bilərsiniz.

24news.ge