İslamın qadına baxışı

26 Iyul 2022 - 10:50

Höccətül-islam vəl-müslimin Əbdül-Əmir Sultani İslamın qadına baxışı barədə danışıb ki, onu diqqətinizə çatdırırıq:

İslam nəzərində qadın da, kişi də insandır və Allah yanında təqvadan başqa heç birinin digərindən üstünlüyü yoxdur. Çünki Allah buyurmuşdur: "Ey insanlar! Şübhəsiz, biz sizin hamınızı bir kişi və qadından yaratdıq və sizi bir-birinizi tanıyasınız deyə böyük və kiçik qəbilələr etdik. Həqiqətən sizin Allah yanında ən hörmətliniz sizin ən pərhizkarınızdır. Həqiqətən Allah çox bilən və xəbərdardır" (Hücürat, 13).

Əxlaqi dəyərlər, iman, faydalı elm, hikmət, gözəl əxlaq, səbir və dözümlülük və bu kimi şeylər təqvanın ünsürləridir. Bu fəzilətlərlə özünü bəzəyən hər bir qadın Allah yanında bu fəzilətlərdən məhrum olan hər bir kişi və qadından daha üstündür. Dünya və axirət mükafatları ona verilər.

Necə ki, "Nəhl" surəsinin 97-ci ayəsində buyurulur: "Kişi və ya qadın imanı olan halda yaxşı bir iş görsə, ona pak bir həyat bəxş edəcəyik və onlara etdikləri əməllərdən daha yaxşı mükafat verəcəyik" (Nəhl, 97).

İslam həyatı idarə etməkdə qadın və kişi arasında fərq qoymur. İslam qadını iş və həyat tərzi seçimində müstəqil hesab edir və onlar öz işlərinin və səylərinin nəticələrinin sahibidirlər. Necə ki, kişiləri də müstəqil və öz səylərinin sahibi hesab edir. Bu barədə buyurmuşdur: "Kişilərin qazandıqlarından payları vardır. Həmçinin qadınların da qazandıqlarından payları vardır" (Nisa, 32). Buna görə də kişi və qadının bir-birindən heç bir fərqi yoxdur. Bəzi hallar istisna olmaqla ki, bu fərq də onların yaradılışına və təbiətinə qayıdır. Aydındır ki, insanın səadəti onun əməl və rəftarının yaradılış və fitrətndən asılıdır. Çünki Allah buyurmuşdur: "(Ya Peyğəmbər!) haqqa tapınaraq ürəyini bu dinə sarı göndər. Allah həmin fitri din əsasında insanları yaratmışdır. Allahın xilqətində əsla bir dəyişiklik ola bilməz. Sabit və möhkəm olan din budur. Lakin camaatın əksəriyyəti (bunu) bilmir" (Rum, 30).

iqna.ir