Ən son

Quranın qalası hansı ayədir?

02 Aprel 2021 - 18:34

Dini maarifdə “Bəqərə” surəsi və Ayətül-kursi – Quranın qalası kimi tanıdılmışdır.

Həzrət Peyğəmbər (s) bu haqda buyurur: “Hər bir şeyin qalası vardır. Quranın qalası “Bəqərə” surəsidir. Bu surədə elə ayə vardır ki, Quran ayələrinin sərvəridir. O, Ayətül-kursidir”.

Həzrət Rəsuli-Əkrəm (s) başqa yerdə buyurur: “Hər bir şeyin qalası vardır, Quranın qalası “Bəqərə” surəsidir”.

İmam Sadiq (ə) buyurur: “Hər bir şeyin qalası vardır. Quranın qalası – Ayətül-kursidir. Hər kim onu bir dəfə oxuyarsa, Allah dünyanın min bəlasını və axirətin min bəlasını ondan geri qaytarar. Dünyanın ən asan bəlası – yoxsulluq və axirətin ən asan bəlası – qəbir əzabıdır”.

Beləliklə deyə bilərik ki, surələrin içərisindən Quranın qalası – “Bəqərə” surəsi, ayələrin içərisindən isə Ayətül-kursidir.


 

deyerler.org