Ən son

Alkoqolun beyinə ölümcül təhlükəsi

15 Oktyabr 2020 - 13:49

Nyu-Yorkdakı Faynşteyn Tibbi Araşdırmalar İnstitutunun alimləri, içki aludəçiliyin ölümcül demans növü olan Alzheimerin erkən başlamasına səbəb ola biləcəyini kəşf edib. Tədqiqatçılar “CIRP” zülalı və onun hüceyrədən xaric “eCIRP” forması ilə birləşdirən bəzi molekulları təyin edib. Bu birləşmələr stress hallarını aradan qaldırmaq üçün digər zülalların işini tənzimləməyə kömək edir.

Bir şəxs alkoqol qəbul etdikdə, toksinlərlə təmasda olan hüceyrələr digər hüceyrələrin müdafiə qabiliyyətini aktivləşdirməsini siqnal verərək “eCIRP” zülalı istehsal etməyə başlayır. “eCIRP”, xroniki alkoqolun təsiri nəticəsində yaranan yaddaş pozğunluğuna vasitəçilik edir. Molekul uzunmüddətli yaddaşın əmələ gəldiyi hipokampustakı tau zülalında dəyişikliklərə səbəb ola bilər. Nəticədə tau zülalı lövhələr meydana gətirir və bu da öz növbəsində neyronların məhv olmasına səbəb olur. Alimlər, “eCIRP” zülalının bloklanmasının alkoqolla əlaqəli Alzheimer xəstəliyi üçün effektiv müalicə ola biləcəyini düşünürlər.

 

deyerler.org