Ən son

Təvazökarlığın insana verdiyi bəhrələr

14 Oktyabr 2020 - 11:38

Təvazökarlıq odur ki, insan özünü başqalarından üstün bilməsin və digər insanlara dəyər versin.

Təvazökarlığın əks mənası təkəbbürdür.

Təvazökarlığın insan həyatına təsirləri çoxdur. O cümlədən:

1. Başıucalıq mənbəyidir. Həzrət Peyğəmbər (s) buyurur: “Təvazökarlıq bəndənin başıucalığını artırar. Ona görə də təvazökarlıq edin ki, Allah sizə rəhmət etsin”.

2. Tərəqqi üçün pilləkəndir. İmam Əli (ə) buyurur: “Təvazökarlıq – şərafət və böyüklük pilləkənidir”.

3. Nəzmə səbəb olar. İmam Əli (ə) buyurur: “Təvazökarlıq ilə işlər nizamlı olar”.

4. Məhəbbət gətirəndir. İmam Əli (ə) buyurur: “Təvazökarlığın meyvəsi – mehribanlıqdır”.

Təvazökarlıq o fəzilətli sifətlərdəndir ki, həyatda insanı müvəffəq edər və insanların sevimlisi olar. Allah da bu cür bəndəsini sevər və ona nemətlər əta edər.


 

deyerler.org