Yemiş tumlarından BRONXİT və ÖSKÜRƏK dərmanı
03 Iyul 2020 - 23:49Nəfəs yollarının
iltihabı zamanı çoxlu miqdarda bəlğəm ifraz olunmağa başlayır. Bəlğəm əslində
qoruyucu funksiyanı yerinə yetirir – nəfəs yollarını virus, mikrob və toksinlərdən
təmizləməyə yardım edir.
Lakin bəlğəm nəfəs
yollarından daim çıxmalıdır, burada yığılmamalıdır. Nəfəs yollarında
toplandıqda bəlğəm durğunluğa səbəb olur ki, nəticədə patogenlər sürətlə
artmağa başlayır və bu da ağır iltihaba, pnevmoniyaya gətirib çıxarda bilər.
Məhz bu səbəbdən bronxit və öskürək zamanı bəlğəmgətirici vasitələri və
mümkün qədər çox maye içmək lazımdır ki, bəlğəm durulaşsın və onun nəfəs
yollarından çıxaması daha asan olsun.
Xalq təbabətində
müxtəlif təbii bəlğəmgətirici vasitələrdən istifadə olunur. Belə vasitələrdə
biri yemiş tumlarının dəmləməsidir.
Saglamolun.az oxucularına
yemiş tumlarından hazırlanmış bəlğəmgətirici dəmləmənin reseptini təqdim edir.
2 xörək qaşığı qurudulmuş yemiş tumları həvəngdəstədə yaxşı əzilir, üzərinə 1 stəkan isti su əlavə olunur, qarışdırılır və süzülür. Dəmləmə gündə 3 dəfə stəkanın 1/3 hissəsi olmaqla yeməkdən qabaq içilməlidir. Zövqə görə bal əlavə edə bilərsiniz.
saglamolun.az