Ən son

Quranda adı keçən Əbabil quşu Qardabanidə tapıldı

10 Iyul 2019 - 11:22

Müqəddəs Qurani Kərimdə adı keçən nadir quşlardan hesab olunan Əbabil quşu Qardabanidə tapılıb.

24News.ge xəbər portalına məlumat verən Elman Şirinov bildirib ki, o Qardabanidə işdən çıxan zaman sözü gedən nadir quşu yerdə görüb və götürüb uçmasına yardım edib.

Qeyd edək ki, Əbabil quşları 16-17 sm bədən uzunluğuna malik qaranquşa bənzər bir quş növüdür. Əbabili qaranquşdan ayıran ən əsas özəlliyi onun bədən quruluşunun daha böyük olması və yüksəklikdə uçmasıdır.

Əbabillər sürü halında səs-küy yaradaraq yaşarlar. Digər quşlar kimi ayaqları üstündə dik bir şəkildə dura bilməzlər. Ən çox qəhvəyi rəngində olurlar. Gecə-gündüz havada qalar və uçarkən yatarlar. Ömürlərinin 80%-dən çoxunu uçaraq keçirərlər. Bu quşlar yalnız qidalanmaq və nəsil artırmaq üçün yerə enərlər. Əbabillərin orta ömrü 27 ildir.

Müqəddəs Qurani Kərimdə sözü gedən quşa işarə olunub.

Yəmən hökmdarı Əbrəhə döyüş filləri ilə birlikdə Kəbəni dağıtmaq üçün Məkkə üzərinə hücum edəndə Allahın əmri ilə bir dəstə quş Qırmızı dəniz tərəfdən uçub gəlib. Onların hər biri dimdiyində və iki caynağında bişmiş gildən düzəlmiş xırda daş tutmuşdular. Quşların atdıqları daşlar döyüşçülərin bədənində yara əmələ gətirərək tezliklə onların ölümünə səbəb oldu. Bu hadisə barədə Qurani-Kərimin 5 ayədən ibarət olan “Fil” surəsində (105-ci surə) söhbət açılır.


24news.ge