Ən son

Nas kimdir, nasnas kimdir?

11 Iyun 2019 - 11:29

Bir nəfər İmam Əlinin (ə) xidmətinə gəlir və deyir: “Nas kimdir, nasa bənzəyənlər kimdir və nasnas kimdir?”.

İmam Hüseyn (ə) də orada idi. İmam Əli (ə) üzünü oğluna tutur və buyurur: “Bu kişinin cavabını ver!”.

İmam Hüseyn (ə) buyurur: “Nas – bizik. Bu səbəbdəndir ki, Quran buyurur: “Sonra (müşriklərin getdikləri yol ilə deyil) camaatın axışdığı yer ilə (Məş’ər çölündən Minaya tərəf) yollanın”. (“Bəqərə” 199).

Məqsəd - Peyğəmbər (s) idi. İnsanları Minaya tərəf köçürdür.

Ancaq nasa bənzəyənlər – bizim davamçılarımızdır və bizdəndirlər. Necə ki, Quran buyurur: “Odur ki, kim mənə tabe olsa, o məndəndir və kim mənə itaətsizlik etsə, həqiqətən Sən çox bağışlayan və mehribansan». (“İbrahim” 36).

Ancaq nasnas o insanlardır ki, Peyğəmbərin (s) Əhli-Beytindən kənarlaşıblar”.

 

deyerler.org