Ən son

Ümidimizi itirən zaman nə edək?

15 Aprel 2019 - 14:09

Biz hamımız həyatımız boyu bəzən elə hadisələrlə rastlaşmışıq ki, əlimizi hər şeydən üzüb və bizi pərişan edibdir. Bəs belə olan halda nə etməli?

Məsumlarımızın (ə) bununla əlaqəli tövsyələrinə nəzər salaq və onların vasitəsilə çıxış yolu tapaq.

Belə olan halda Məsumlarımız (ə) və din alimləri bizə bu əməlləri tövsiyə edirlər:

1. Allaha pənah aparmaq.

2. Dəstəmazlı olmaq.

3. Səbir etmək.

4. Hüzur tapmaq üçün dua etmək.

5. Namaz qılmaq.

6. Allahı yada salmaq.

Şübhəsiz ki, dua, namaz, tövbə, səbir – bu kimi hallarla mübarizə aparmağın ən təsirli yollarıdır.

Hüccətil-İslam Səhəfi nəql edir: “Əllamə Təbatəbayinin ömrünün son günlərində ondan istədim ki, ruhuma hüzur verən bir məsləhət versin. O, buyurdu ki, əlini ayaq üstə və ya əyləşən halda sinəndə qərar ver və “Rəd” surəsinin 28-ci ayəsini bir neçə dəfə zikr et. Agah ol ki, Allahı yada salaraq qəlblər hüzur tapar”.

İnsana hüzur gətirən əməllərdən biri də şükür etməkdir. Allahın nemətlərinə diqqət edib, onlara görə Allaha şakir olmaqdır.

Bundan başqa, din alimləri hər gün istiğfar etməyi tövsiyə edirlər və buyururlar ki, istiğfar insanı günahdan uzaqlaşdırıb, Allaha yaxınlaşdırdığı üçün ona hüzur verər.

Bir nəfər İmam Sadiqin (ə) yanına gəlir və deyir: “Tək olan zaman vəhşətə gəlirəm, qəm və qüssə məni əhatə edir. Ancaq insanların arasında olanda belə hissim olmur”.

Həzrət (ə) buyurur: Əvvəlcə əlini qəlbinin üzərinə qoy və de: “Bismillah” və sonra əlini qəlbinə çək və bu duanı 7 dəfə oxu:

أَعُوذُ بِعِزَّةِ اللَّهِ وَ أَعُوذُ بِقُدْرَةِاللَّهِ وَ أَعُوذُ بِرَحْمَةِ اللَّهِ وَ أَعُوذُ بِجَلَالِ
اللَّهِ وَ أَعُوذُ بِعَظَمَةِ اللَّهِ وَ أَعُوذُ بِجَمْعِ اللَّهِ وَأَعُوذُ بِرَسُولِ اللَّهِ وَ أَعُوذُ بِأَسْمَاءِ اللَّهِ مِنْ شَرِّمَا أَحْذَرُ وَ مِنْ شَرِّ مَا أَخَافُ عَلَی نَفْسِی

O şəxs bu cür edir və sonra deyir ki, “Allahın izni ilə həmin qorxu məni tərk etmişdir”.

 

deyerler.org