Ən son

Novruzun tarixinə qısa baxış

21 Mart 2019 - 12:42

Novruz bayramı bəzi millətlərdə böyük təmtəraqla keçirilən bayramlardan biridir. Bəs bu bayramının tarixçəsi necə olmuşdur?

Novruz o gündür ki, günəş başlanğıc nöqtəsinə qayıdır.

Əgər tarixə nəzər salsaq, Novruz bayramı ilə bağlı bir neçə nəzəriyyəyə rast gəlmiş olarıq. O cümlədən:

1. Bunu qeyd etmək lazımdır ki, Novruz milli bayram olması ilə yanaşı, Zərdüşt əqidəsindən götürülmüş bir bayramdır. Bu dində Yerin həmin gündə yaranması və Adəmin (ə) həmin gündə xəlq olması qeyd olunmuşdur. Zərdüştlülər öz ölülərinin ruhunu şad etmək üçün on gün şadlıq edir və onları qarşılamaq üçün hazırlaşardılar. Bu səbəbdən evlərini və yaşadıqları məkanı təmizləyər və səliqəyə salardılar.

2. Tarixdə Novruz bayramının yaranmasının bir nəzəriyyəsi də əfsanələr ilə bağlıdır.

3. Qədim zamanlarda Novruz bayramının müəyyən vaxtı və zamanı yox idi. Bəlkə hər il dəyişər və başqa zamanda qeyd olunardı. Bu bayram Sasani dövründən başlamışdır və o dövrdə ilin müxtəlif zamanlarında qeyd olunardı. Bəzən qışın başlanmasına yaxın belə qeyd olunardı.

Hər bir halda bu bayram insanların və millətlərin adətinə və ənənəsinə çevrilmiş, insanlara xeyir və bərəkət gətirən bayramlardandır.

Həzrət Peyğəmbər (s) buyurur: “O kəs ki, yaxşı sünnətin təməlini qoyar, Qiyamət gününə qədər hər kim ona əməl edərsə əcr və savabı ona çatar”.

Bu bayram insanları sevindirir, onların qəlbini səfalı edir. Küsülükləri aradan aparır, məhəbbət və dostluq yaradır. Qohumlar arasındakı bağları möhkəmləndirir və insanları bir-birinə yaxınlaşdırır. Bu səbəbdən Novruz bayramı yaxşı sünnətlərdən hesab olunur.

 

deyerler.org