Ən son

Novruz bayramının 3 müstəhəb əməli

21 Mart 2019 - 11:02

Ayətullah-üzma Məzahiri Növruz bayramında yerinə yetirə biləcəyimiz 3 müstəhəb əməl bizlərə tövsiyə etmişdir ki, onlarla tanış olaq:

1. İl təhvil olan zaman edə biləcəyiniz ən yaxşı əməl - bu duanı oxumaqdır:

«یا مقلّب القلوب و الابصار یا مدبّر الّیل و النّهار یا محوّل الحول و

الاحوال، حوّل حالنا الی احسن الحال

Allah Təalaya dua, Əhli-Beytə (ə) təvəssül edərək təqva, salamatlıq, əmin-amanlıq, İmam Zaman ağanın (ə) fərəcinin tezləşməsini, ruzi və bərəkət verməsini istəmək. Həmçinin “Məfatih” kitabı bu gündə qılınan müstəhəb namazı tövsiyə etmişdir ki, onu qılmağın da savabı çoxdur.

2. İnsan gərək ilin sonunda keçmiş ilin hesabını etsin və günahlarına görə tövbə etsin. Nemətlərə görə şükür etsin. Tövbə halında yeni ilə daxil olsun.

3. Qohumlar arasında olan küsülüklər bu gündə barışa çevrilməlidir.Başqaları onların arasını düzəltməyə səy göstərməlidir. Bu gündə küsülük və incikliklər unudulmalıdır və insanlar arasında dostluq və ülfət hakim olmalıdır.

Günahı tərk etmək, evi təmizləmək, yeni paltar geyinmək, yanlış adətlərdən çəkinmək, valideynlərə hörmət etmək və əziz tutmaq, sileyi-rəhm, haqqun-nası əda etmək, insanlardan razı olmaq və onları özündən razı salmaq, insanların qəlbini sevindirmək, xəstələri ziyarət etmək, yoxsullara əl tutmaq, Allaha qəlbən və dildə diqqət etmək, Əhli-Beytə (ə) təvəssül etmək – il təhvil olan zaman edilə bilən ən gözəl əməllərdəndir.


 

deyerler.org