Ən son

Gənc oğlanın ürəyindən diş çöpü çıxarıldı

06 Fevral 2019 - 16:29

Çində ən çətin əməliyyatlardan biri həyata keçirilib.

Sputnik Azərbaycan Rusiya mətbuatına istinadən xəbər verir ki, həkimlər 4 il ürəyində diş çöpü gəzdirən gənc oğlanı xilas ediblər.

Ağrı ilə xəstəxanaya müraciət edilən gənc müayinə edilən zaman onun ağ ciyərində kölgələr görünüb. Xəstəyə ürək yaxınlığında iltihab diaqnozu qoyulub. Xəstə əməliyyata edilən zaman isə iltihabın səbəbi məlum olub. Həkimlər onun ürək kameralarından birində olan 6 santimetrlik diş çöpünü çıxardıblar.

Pasientin sözlərinə görə, o, içində alkoqol olan qədəhini səhv salmamaq üçün həmişə içinə diş çöpü qoyurmuş. Bir gün təsadüf nəticəsində diş çöpünü udub. Çox güman ki, diş çöpü onun nəfəs borusuna, oradan isə ağ ciyərinə düşüb, ardınca isə ağ ciyəri deşərək, ürəyə keçib.

Gənc hələ 4 il əvvəl vəziyyətinin dəyişdiyini hiss edib. Amma həkimlər uzun müddət xəstəliyin səbəbini tapa bilmirlərmiş, hətta xərçəng xəstəliyindən şübhələnirlərmiş.