Ən son

Həzrət Zəhranın (s.ə) rövzəsini eşidən xristian qadının hekayəsi

05 Fevral 2019 - 15:07

Lenny Drill Sin öz əhvalatını bizimlə belə bölüşür:

“56 il əvvəl Danimarkanın kiçik bir şəhərində dünyaya gəlmişəm. Valideynlərim xristian idilər. Atam müəllim, anam isə Danimarka idarələrinin birinin işçisi idi. Mənim bir bacım və bir qardaşım var. Çox təəssüf ki, müsəlman olandan sonra mənim əlaqələrini kəsiblər. Mənim müsəlman olmağımı qəbul edə bilmirlər.

O zaman ki, həyat yoldaşımla ailə qurdum, ona dedim ki, səninlə evlənməyim o demək deyildir ki, mən də müsəlman olacağam. Çünki həyat yoldaşım müsəlman idi. Əlbəttə, biz İslam qayda-qanunu ilə evləndik.

Biz bir neçə il bu cür yaşadıq. Həyat yoldaşım Kopenhagendə olan hüseyniyyənin təsisçisi idi. Müsəlmanların o günə qədər məscid və hüseyniyyələri yox idi. Həyat yoldaşım məndən istədi ki, orada təşkil edilən məclislərdə mən də iştirak edəm. Ancaq mən razı olmurdum.

Bir gün həyat yoldaşım mənə dedi: “Səndən bir xahişim vardır ki, bu gün mənimlə hüseyniyyəyə gələsən. Çünki bu gün Həzrət Zəhranın (s.ə) şəhadət günüdür. Həzrət Zəhra (s.ə) isə İslamın anasıdır”.

Baxmayaraq ki, getmək istəmirdim, ancaq razı oldum.

Hüseyniyyənin iki mərtəbəsi var idi. Birinci mərtəbə xanımlar üçün idi, ikinci mərtəbə kişilər üçün. Bütün işıqları söndürdülər və mərasim başladı. Bunu sizin üçün təsvir edə bilmirəm. Ancaq sanki ruhum uçurdu və mən o qaranlıq otaqda bir nur gördüm ki, otağın içində hərəkət edirdi. Hiss etdim ki, mənim varlığımda əyləşdi. Xüsusi hala düşdüm, ancaq nəyin baş verdiyini dərk etmirdim.

Evə qayıdanda həyat yoldaşım halımın dəyişdiyini hiss etdi və məndən səbəbini soruşdum. Mən də olanları ona danışdım. O, gülümsəyərək dedi: “Bu, təbiidir. Allah istəyir ki, Onun üçün olasan”.

Bu sözlər məni sakitləşdirdi. O gündən sonra qərara gəldim ki, İslam dinini qəbul edim. İndi artıq 18 ildir ki, müsəlman olmuşam. Buna görə də anamız Həzrət Fatiməyə (s.ə) çox təşəkkür edir və Allaha şükür edirəm”.

 

deyerler.org