Ən son

Genişləndirmə işlərindən sonra İmam Hüseynin (ə) Xeyməgahının yeni görüntüləri

11 Yanvar 2019 - 15:29

Müqəddəs Kərbəla şəhərinin özünəməxsus tarixi məkanlarından biri olan İmam Hüseynin (ə) xeyməgahında genişləndirmə və təmir işləri davam edir.

Deyerler.org Al-Kafeel saytına istinadən xəbər verir ki, müqəddəsliyinə yaraşan bir formada, yəni görkəmli və modern bir İslami dizaynda inşa edilən məkanın yeni vəziyyətini oxucularımıza təqdim edirik.

Layihəyə cavabdeh olan İmam Hüseynin (ə) pak hərəmi görülən işlərlə bağlı Al-Kafeel saytına məlumat verib. Layihə çərçivəsində aşağıdakı işlər görülüb.

- Xeyməgahın əsas sahəsinə genişlənmə çərçivəsində əlavə olunacaq ümumi ərazi 2215 kvadratmetrdir. Bu da Xeyməgaha qonşu olan İmam Səccad (ə) mədrəsəsinin ərazisinə salınmasından sonra hesablanan ərazidir.

- İmam Hüseynin (ə) xeyməgahının üstü bağlı olan sahəsi 2200 kvadratmetrdir.

- Xeyməgah üç mərtəbəli olacaq. Zəvvarlara xidmət göstərilən bu üç mərtəbədə biri xanımlar, biri də kişilər üçün iki qonaq otağı və bir əsas həyət yerləşəcək.

- Xeyməgahda bir-birinə oxşar, hər biri 10 m. x 10 m. ölçüdə olan 5 çadır və bir böyük çadır olacaq. Bu çadır da əsas qapının qarşısında yerləşəcək və adı da “İmam Hüseynin (ə) çadırı”dır.

- Çadırlar bir sıra bəzəkli İslam əlyazmaları, naxışlar və Quran ayələri ilə əhatə olunacaq. Hər bir çadırda 12 pəncərə, əsas çadırda isə 2 metr genişliyində çadırlar olacaq.

- Həzrət Əbülfəzl Abbasın (ə) çadırında yerləşən taxta zərih isə yığışdırılmışdır. Yerinə qızıl ilə qatılmış xalis gümüşdən bir zərih yerləşdiriləcək.

- İmam Hüseynə (ə) aid olan 4 çadır – İmam Hüseyn (ə), İmam Zeynəlabidin (ə), Həzrət Zeynəb (s.ə) və Həzrət Qasımın çadırları – genişləndiriləcək.