Ən son

Londonda şiə və süni müsəlmanlar Peyğəmbərin (s) mövludunu birgə keçirdi

28 Noyabr 2018 - 19:12

Londondakı bütün şiə və sünni İslam mərkəzləri və qurumları birlikdə əziz İslam peyğəmbəri Muhəmməd Mustafanın (s) mövlud mərasimini keçiriblər.

Deyerler.org Shafaqna-ya istinadən xəbər verir ki, İslam Gənclər Birliyinin təşkilatçılığı ilə baştutan “Məhəmmədi (s) sevirəm” adlı mərasimə İran, İraq, Pakistan və digər müsəlman ölkələrindən şiə və sünni müsəlmanlar iştirak ediblər. Londondakı Məhəmməd Vəqf Salonunda keçirilən mərasimdə çıxış edən şiə və sünni din adamları və ekspertlər, İslam Peyğəmbərinin (s) əxlaqi xüsusiyyətlərindən və həyatda sevgini gücləndirməyin vacibliyindən danışıblar.

Mərasimdə çıxış edən pakistanlı Əhli-Beyt (ə) alimi höccətül-İslam Müşərrəf Hüseyni İslam peyğəmbərinin (s) təsvirində Qurani-Kərimdəki Allahın ayəsinə istinad edərək, bu böyük insanı Rahmətəl-Aləmin adlandırıb və İslam peyğəmbərinin (s) həqiqi mənada bütün aləmlər üçün rəhmət olduğuna inandığını qeyd edib.

“Allah İslam peyğəmbəri (s) vasitəsilə təkcə bütün müsəlmanlar üçün yox, bütün qulları üçün, hətta ondan ötrü dünyanın bütün canlıları üçün mərhəmət göstərdi”, - deyə pakistanlı alim bildirib.