Ən son

Dünya bu gün də Rəsulallahın (s) köməyinə ehtiyaclıdır

21 Noyabr 2018 - 23:00

Şeytan (lən) necə min İlahi dərgahda ibadət edib, ali mərtəbələrə yüksələ bilmişdi. Rəvayətlərə görə, Rəsulallah (s) meracdan qayıtdıqdan sonra şeytan (lən) Rəsulallahdan (s) soruşur ki, getdiyi yerdə bir yerə yıxılmış minbəri görübmü? Rəsulallah (s) onu gördüyünü təsdiqləyir. Şeytan (lən) həmin minbərin ona məxsus olduğunu deyir və qeyd edir ki, neçə min il o minbərin üzərində mələklərə moizə etmişdi. Bu cür də davam edə bilərdi, Həzrət Adəm (ə) İlahi iradə ilə xəlq edilməsəydi.

Həzrət Adəm (ə) mələkut aləmində bir çox mövzuların əsil həqiqətlərini göstərmək üçün bir meyara çevrildi. Allah dərgahında kimlərin İlahi əmrə sözsüz tabe olduğunu, kimlərinsə nəfsinə tabe olduğunu ortaya çıxartdı. Adəmə (ə) qədər mələkləri moizə edən birinin əslində məlun kafir olduğunu heç kəs bilmirdi.

Rəsulallah (s) da dünyaya gələnə qədər yaxşı və pisin sərhədləri dəyişmişdi. Xristianlıq təhrif olunub və bəzilərinin əlində qazanc mənbəyinə çevrilmişdi. Tövhid əhli məzlum və cəmiyyətdə marjinal bir halda idi. İlahi sərhədləri gözləyənlər arasında çox insan söz sahibi idi. Məkkədə Kəbə bütlərlə doldurulmuşdu və kafirlər cəmiyyətdə söz sahibinə çevrilmişdilər. Mədinə şəhərində iki yerli qəbilənin – Ous və Xəzrəc qəbilələrinin arasındaki qan davaları yəhudiləri söz sahibinə çevirmişdi.

Amma Rəsulallah (s) gəlib yaxşının və pisin insanlara görə deyil, insanların yaxşı və pisə görə dəyərləndirilməli olduğunu bildirdi. Dünyanın ədalətlə doldurmaq üçün ilk addımı atdı və axirəz-zəmanda Zəmanə Sahibinin (ə.f) ədalətli hökmranlığı üçün zəmini hazırlamağa başladı. O vaxta qədər zülmün adi bir şeyə çevrildiyi bir dönəmdə, məzlumu söz sahibinə çevridi.

Rəsuli-Əkrəm (s) 23 il ərzində dünyanın ən böyük yarımadasını tövhid ətrinə, İlahi rəngə boyaya bildi. Rəsulallah (s) yaxşının və pisin meyarına çevrildi. Toplumun əsil həqiqəti aşkar edildi. Rəsulallaha (s) son nəfəsinə qədər düşmən kəsilən ünsürlərlə bərabər, bircə kəlməsi ilə canını fəda etməyə hazır olan insanlar ortaya çıxdı. Dünyanın müxtəlif yerlərində onun xəbərini eşidənlər axışıb, onun görüşünə tələsdilər. Əbazərlər, Üveyslər, Salmanlar və s. misallı həqiqətpərəst damlalar öz dəryalarına qovuşdular.

Rəsulallah (s) bizə əsil sevilməli olan və əsil nifrət edilməli olanları tanıtdı. Rəsulallah (s) bu gün haqq və batil əhlinin tanınması baxımından aktuallığını qoruyur. Dünya hələ də haqqı tanımaqda Rəsulallahın (s) köməyinə ehtiyac duyur.



 

deyerler.org