Ən son

Sən sultandan qorxan kimi, mən Allahdan qorxsaydım...

25 Oktyabr 2018 - 15:28

Sədinin Gülüstanındakı bəzi ibrətli nəsihətlərə diqqət edək.

Padşahlardan biri günahsız birini qətl etməyi əmr edir. O, deyir: “Ey padşah! Sənin mənə etdiyin qəzəb sayəsində alacağım cəza, mənə bir nəfəsdən məhrum olmağa səbəb olacaqdır. Ancaq günahı əbədi olaraq sənin boynundadır”.

İki qardaş var idi. Biri sultana xidmət edirdi, o birisi isə əlinin zəhməti ilə çörək qazanırdı. O kəs ki, sarayda xidmət edirdi, o biri qardaşına deyir ki, niyə sən də mənim kimi sarayda xidmət etmirsən? O biri qardaşı deyir: “Aqillər deyir: Öz çörəyini yemək, bəzəkli sarayda əyləşməkdən daha yaxşıdır”.

Vəzirlərdən biri Zulnunun yanına gəlir və deyir: “Gecə və gündüz sultana xidmət edirəm və xeyirinə ümid edir, cəzasından qorxuram”.

Zulnun ağlayır və deyir: “Kaş mən də sənin sultandan qorxduğun kimi Allah Təaladan qorxardım, o zaman siddiqlərdən olardım...”.

 

 

deyerler.org