Ən son

Ramazan ayı həyatı dəyişdirmək üçün bir fürsətdir

15 May 2018 - 16:40

Mübarək Ramazan ayı həyatı yaxşılığa doğru dəyişmək, Quranla ünsiyətdə olmaq, özünü düzəltmək və fəaliyəti İslam prinsiplərinə əsasən qurmaq üçün ən münasib fürsətdir.

Ümumiyyətlə, Ramazan ayındakı yaşayış tərzini 4 qismə bölmək olar:

Allahla rabitə

Özü ilə rabitə

Ailə ilə rabitə

Yaşadığı ətrafla rabitə.

Oruc tutmaq Allahla bəndə arasındakı münasibətə birbaşa təsir edir. Çünki Allah bizi rəhməti üzündən yaradıb və bu ayda bəndə üçün xüsusi abı-hava yaradıb ki, o, öz ürək sözlərini xaliqə deyə bilsin.

İnsanda bütün varlıqlardan üstün olduğu üçün müəyyən xislətlər qoyulub. Lakin o, bundan qafildir. Ramazan ayı isə insanın özünə gəlməsi üçün bir fürsətdir. Bəndə anlamalıdır ki, Allahın əmrinə itaətdə nə qədər səhlənkarlıq edir. Mübarək Ramazan ayı insan üçün bir illik qəflətdən oyanması üçün əlverişli fürsətdir. Bu gün cəmiyyətdə insanın ruhuna olduqca mənfi təsir qoyan internet və peyk antenaları kimi bir sıra avadanlıqlar  mövcuddur. Ramazan ayı isə bəndəyə günahlardan uzaq olub, Allaha yaxınlaşmaq üçün kömək edə bilər. Elə bir kömək ki, orucluğun sonunda insan özünün əsaslı şəkildə dəyişildiyini hiss edə bilər. Ramazan ayı insana düzgün maddi və mənəvi həyat sürməyə öyrədir.

Müsəlmanlar anlamalıdır ki, qeyri-İslami həyatın necə də pis nəticəsi var. Ramazan ayında oruc tutan kəs azacıq səy etməklə, sürətlə paklığa doğru irəliləyəcəyinə ümid edə bilər. Həmçinin öz imanının çoxalmasını istəyən kəs zamandan düzgün istifadə etməli, gecələr oyaq qalıb ibadətdə keçirməli və sileyi-rəhm etməlidir – qohumlara, ata və anaya baş çəkməlidir.

 

ahliman.info