Ən son

Günahların bağışlanması üçün görüləsi işlər

15 Aprel 2018 - 22:32

Günahların bağışlanması üçün görüləsi işlər

Allah-taala çox mərhəmətlidir. O, insanları, etdikləri günahlar qarşısında dərhal cəzalandırmır və onlara bağışlanmaq üçün fürsət verir. Ayə və hədislərə əsasən günahların bağışlanması üçün müxtəlif vasitələr var. Aşağıda o vasitələrdən bəzilərini gətiririk.

1- Tövbə

Tövbə ərəbköklü bir sözdür. Tövbənin mənası günahlara etiraf edib, peşman olub Allahdan bağışlanmaq istəməkdir.

يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا عَسَىٰ رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ

Ey iman gətirənlər! Allaha səmimi-qəlbdən (bir daha günaha qayıtmamaq şərtilə) tövbə edin. Ola bilsin ki, Rəbbiniz günahlarınızın üstünü örtsün və sizi (ağacları) altından çaylar axan cənnətlərə daxil etsin. ( Təhrim,8).

2- İman və saleh əməl

وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَىٰ مُحَمَّدٍ وَهُوَ الْحَقُّ مِنْ رَبِّهِمْ ۙ كَفَّرَ عَنْهُمْ سَيِّئَاتِهِمْ وَأَصْلَحَ بَالَهُمْ

İman gətirib yaxşı əməllər edənlərin, Rəbbindən Muhəmmədə haqq olaraq nazil edilənə (Qurana) inananların isə günahlarının üstünü örtəcək, onların əhvalını (dünyada və axirətdə) düzəldəcəkdir (yaxşılaşdıracaqdır). ( Muhəmməd,2).

3- Təqva

يَا أَيُّهَا الَّذِينَ آمَنُوا إِنْ تَتَّقُوا اللَّهَ يَجْعَلْ لَكُمْ فُرْقَانًا وَيُكَفِّرْ عَنْكُمْ سَيِّئَاتِكُمْ وَيَغْفِرْ لَكُمْ ۗ وَاللَّهُ ذُو الْفَضْلِ الْعَظِيمِ

Ey iman gətirənlər! Əgər Allahdan qorxsanız, O sizə haqla-nahaqı ayırd edən (bir nur) verər (dünyada və axirətdə çıxış yolu göstərər), günahlarınızın üstünü örtüb sizi bağışlayar. Allah böyük lütf (mərhəmət) sahibidir! ( Ənfal,29).

4- Allah yolunda cihad etmək,köç etmək və şəhid olmaq

فَالَّذِينَ هَاجَرُوا وَأُخْرِجُوا مِنْ دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ جَنَّاتٍ تَجْرِي مِنْ تَحْتِهَا الْأَنْهَارُ ثَوَابًا مِنْ عِنْدِ اللَّهِ

Hicrət edənlərin (Məkkədən Mədinəyə öz dinini qorumaq məqsədilə köçənlərin), öz yurdlarından çıxarılanların, Mənim yolumda əziyyətə düçar olanların, vuruşanların və öldürülənlərin günahlarının üstünü Allahdan bir mükafat olaraq, əlbəttə, örtəcək və onları (ağacları) altından çaylar axan cənnətlərə daxil edəcəyəm. ( Ali-İmran,195).

5- Gizli şəkildə xeyriyyəçilik

إِنْ تُبْدُوا الصَّدَقَاتِ فَنِعِمَّا هِيَ ۖ وَإِنْ تُخْفُوهَا وَتُؤْتُوهَا الْفُقَرَاءَ فَهُوَ خَيْرٌ لَكُمْ ۚ وَيُكَفِّرُ عَنْكُمْ مِنْ سَيِّئَاتِكُمْ ۗ وَاللَّهُ بِمَا تَعْمَلُونَ خَبِيرٌ

Yoxsullara aşkarda sədəqə verməyiniz yaxşıdır, lakin onu gizlində versəniz daha yaxşı olar. Bu, günahlarınızın bir qismini örtər. Allah tutduğunuz hər bir işdən xəbərdardır! (Bəqərə,271).

6- Ehtiyacı olana borc pul vermək

إِنْ تُقْرِضُوا اللَّهَ قَرْضًا حَسَنًا يُضَاعِفْهُ لَكُمْ وَيَغْفِرْ لَكُمْ ۚ وَاللَّهُ شَكُورٌ حَلِيمٌ

Əgər Allaha (Allah yolunda) gözəl (könül xoşluğu ilə) bir borc versəniz, (Allah) sizin üçün onun əvəzini qat-qat artırar və sizi bağışlayar. Allah qədirbiləndir, həlimdir! (Təğabun,17).

7- Böyük günahlardan çəkinmək

إِنْ تَجْتَنِبُوا كَبَائِرَ مَا تُنْهَوْنَ عَنْهُ نُكَفِّرْ عَنْكُمْ سَيِّئَاتِكُمْ وَنُدْخِلْكُمْ مُدْخَلًا كَرِيمًا

Əgər sizə qadağan olunmuş böyük günahlardan çəkinərsinizsə, Biz də sizin qəbahətlərinizin (kiçik günahlarınızın) üstünü örtər və sizi (şərəfli bir mənzilə) çatdırarıq.( Nisa,31).

Rivayətlər baxımından günahların bağışlanmasına səbəb olan Amillər

1- Xəstəlik

قال رسول الله (ص): ساعات الوجع یذهبن ساعات الخطایا

Peyğəmbər (s) buyurur: ( Xəstəlik vaxtındakı) əzab-əziyyət anı, günah aradan aparır.

2- Qəm-qüssə

قال رسول الله (ص): اذا کثرت ذنوب المؤمن و لم یکن له من العمل ما یکفّرها ابتلاه الله با الحزن لیکفّرها به عنه

Həzrət Muhəmməd (s) buyurur: Möminin günahları çoxalıb, əfv olunmaq üçün münasib bir əməli olmasa, Allah ona qəm-qüssəyə verər ki,bu qəm-qüssə vasitəsi ilə günahları bağışlansın.

3- Xeyirxah işlər

قال رسول الله (ص): اذا عملت سیئةً فاعمل حسنةً تمحوها

Allah rəsulu (s) buyurur: Bəyənilməmiş bir iş gördüyünüz vaxt, dərhal yaxşı bir iş yerinə yetirin ki, onun vasitəsi ilə etdiyiniz günah aradan getsin.

4- Yaxşı əxlaq

قال الصادق (ع): ان حسن الخلق یذیب الخطیئة کما تذیب الشمس الجلید

İmam Sadiq (ə) buyurur: Günəş buzu əritdiyi kimi, yaxşı əxlaq da günahı aradan aparır.

5- Peyğəmbər (s) və onun Əhli-beytinə (ə) salavat və salam söyləmək

قال الرضا (ع): من لم یقدر علی ما یکفّر به ذنوبه فلیکثر الصلوة علی محمد و آله فانّها تهدم الذنوب هدما

İmam Rza (ə) buyurur: Günahlarının bağışlanmasını aradan qaldırmağa gücü yetmiyən, Muhəmməd (s) və onun ailəsinə çoxlu salavat söyləsin ki, salavat günahları məhv edib, aradan aparır.

6- Həcc və ümrə ziyarəti

قال علی (ع): حج البیت و اعتماره ینفیان الفقر و یرحضان الذنب

Əli (ə) buyurur: Allah evinə həcc və ümrə üçün ziyarət etmək, kasıbçılığı aradan aparar və günahların bağışlanmasına səbəb olar.

 

Kərbəlayi Elçin Əliyev. iman.ge