Ən son

İmam Musa Kazimə (ə) görə Halal qazancın dəyəri

11 Aprel 2018 - 20:30

İmam Musa Kazim (ə) buyurur: Özünün və ailəsinin maddi ehtiyaclarını təmin etmək üçün, halal rüzi dalınca evindən çölə çıxan şəxs, Allah yolunda cihad edən şəxsin savabını qaznmış olar.

Imamın bu nurlu kəlamını diqqətlə oxuyanda, bir neçə əhəmiyyətli mövzunu öyrənmiş oluruq.

a) İlk olaraq başa düşürük ki, islam dini halal qazanca kifayət qədər önəm verir və insanları halal qazanc arxası ilə getməyə dəvət edir. Haram qazncın axirətdəki əzabından əlavə, dünyada da insana zərər verici xüsusiyyətləri var. Haram qazancla qidalananlar cəmiyyət içərisində qınanar və onlara heç kim etimad etməz.

b) Hədisdən başa düşülən başqa bir şey isə budur ki, halal ruzi qazanmaq həqiqətən çətin bi işdir. Əlbəttə ki, halal qazanc əldə etmək çətin olsada, mümkün olmayan bir iş deyil. Yəni əgər insan əqlini işə salsa və nəfsani istəklərini kənara atsa, halal qazanmaq çoxda çətin olmaz. Amma unutmamalıyıq ki, halal ruzi əldə etmək yolunda insan çətinliklər ilə üzləşəcək.

c) Halal qazanc yolunda çalışmaq, əslində ibadətdir. Allah halal qazanca o həddə dəyər verir ki, bu yolda zəhmət çəkən şəxsə, Allah yolunda cihad edənin savabını verir.

 

 

Kərbəlayi Elçin Əliyev - İman.ge