Ən son

Səmimiyyət ailə binasının sütunudur

14 Aprel 2017 - 16:20

Bütün hallarda hətta küsülü olduğunuzda belə yoldaşınızla səmimi davranın. Ona yaxınlaşmq üçün bütün yolları sınayın. Ona mənfi və müsbət duyğularınızdan, fikirlərinizdən, arzularınızdan, dini görüşlərnizdən, gərginliklərinizdən və problemlərinizdən danışın. Özünüzün cinsi ehtiyaclarından söhbət açın və onun da cinsi ehtiyaclarını öyrənməyə çalışın.

Dediklərinə qulaq asın, ona həmdəmlik edin, fikrləri sizi qani etməsə də belə onun fikrlərinə, seçimlərinə ehtiramla yanaşın.

Onunla fəxr etdiyinizi ona göstərməyə çalışın. Ona eşq və məhəbbətamiz sözlər söyləyin. Əvvəllər məktub yazıb göndərərdilər. Lakin indi bu daha da rahat olub. Mobil telefon və sosial şəbəkələrdən istifadə vastsi ilə ona məktub yazın, məhbbətinizi göstərməyə çalışın.

Onu oxşayın, əzizləyin, öpün, istirahətə çıxaraq təbiətdə vaxt keçirib əylənin. Çalışın vaxtınızın çox hissəsini onunla keçsin (əlbəttə, imkan daxilində) və onunla bir yerdə olmaqdan həzz aldığınızı ona göstərməyə çalışın.

Hər etdiyi səhvi tez üzünə vurmayın və lazım gəldikdə onun səhvini başa salıb bağışladığınızı söyləyin.

Hərədən onu adı ilə çağırıb gözlrinə baxaraq , təbəssüm edin. Xülasə, hər hansı vasitədən istifadə edə bilirsinizsə, edin.

Sizinlə bu cür olmasını ona da öyrədin. Mümkündür, hislərini etiraf edib səmimi rəftar qurmağı bacarmasın. Mümkündür, ömür boyu ona sizinlə necə rəftar etməsini təkrarlayıb öyrədəsiniz. Bunun heç bir eybi yoxdur. Çünki bəzi insanlar qapalıdırlar və hisslərini aşkar şəkildə biruzə verməyi bacarmırlar. Ona görə də bu məsələdə bir-birinizə yardımçı olmalısınlz.

Allah Rəsulu (s) ər-arvad arasındakı səmimi münasibət barədə belə buyurur:

- “Kişinin öz qadınına “mən səni sevirəm” söyləməsi heç vaxt qadın qəlbindən çıxmaz.” (Şafi, c/2, səh/138)

- “Ən yaxşı qadın ərinə qarşı məhəbbəti çox olan qadındır.” (Bihar, c/103, səh/235)

- “İnsanın imanı kamilləşdikcə yoldaşına məhəbbəti də çoxalar”.(Bihar, c/103)

- Ər və arvad biri-birinə sevgi, məhəbbət dolu baxışlarla baxdığı zaman Allah da onlara rəhmət gözü ilə baxar (Yəni onlar üzərinə öz rəhmətini nazil edər). Nəhcül-fəsahə, səh/278, hədis/621)

Başqa bir yerdə isə Hz. Əli (ə) buyurur:
“Həyatın səfalı olsun deyə yoldaşınla xoş rəftar et!” (Mən la yəhzurhul-fəgih, c/4, səh/5834).

Bəhruz Camal