Ən son

Rəvayətlərdə moizə

05 Iyun 2016 - 10:00

Ən yaxşı hədiyyə

Imam Əli (ə) buyurur: Moizə ən yaxşı hədiyyədir.

Ölüm insanlar üçün ən yaxşı moizədir

Peyğəmbər (s) buyurur: Ölüm insana moizə üçün kifayətdir.

Hər bir şeyin moizə olması

Imam Əli (ə) buyurur: Həqiqətən ağıllı insanlar üçün hər bir şeydə moizə var.

İnsanın ruhi oyanması moizəyə bağlıdır

İmam Əli (ə) buyurur: Öz qəlbini moizə vasitəsi ilə canlandır.

Insan özü-özünə moizə edə bilər

İmam Muhəmməd Baqir (ə) buyurur: Özü-özünə moizə etməyən şəxsə, başqalarının nəsihəti fayda verməz.

Insana moizənin təsir etməsi,bildiklərinə əməl etməsinə bağlıdır

İmam Sadiq (ə) buyurur: Necə ki, yağış torpağın üzərində sabit olaraq qalmır, elədə elminə əməl etməyən alimin moizəsi insanlara heç vaxt təsir göstərməz.

Ilahi rəhbərlərin moizəlıərindən nümunələr

1-Peyğəmbərin (s) moizəsi

Peyğəmbər (s) buyurur: Dünyaya bağlılıq insanların çoxuna o qədər qalib gəlib sanki ölüm bu insanlara yetişən deyil.

2- İmam Əlinin (ə) moizəsi

Imam Əli (ə) buyurur: Axirətə ümid bəsləyib əməl etmiyən,uzun-uzadı arzularla yaşayıb,tövbə etmiyən,danışığı axirət sevgisi ilə dolu,amma əməli dünya qullarının əməli kimi olanlar tək olma. Bu insanların xüsusiyyəti belədir ki, dünya malını əldə etsələr doymaz və əgər dünya malı əllərinə yetişməsə qane olmazlar. Onlar əllərində olduğuna şükr etməz və mal-mülkün artması üçün həriscəsinə zəhmət çəkib çalışarlar.

3- İmam Həsən Muctəbanın (ə) moizəsi

Imam Həsən Müctəba (ə) buyurur: Bilin ki Allah sizi boş yerə yaratmayıb. Allah sizin hər biriniz üçün ölümü müəyyən edib,sizin ruzinizi bölüb ki, hər bir ağıllı insan öz yerini bilsin,başa düşsün ki, ona ayrılan ruzi mütləq ona çatacaq və ona aid olmayan şey ona yetişən deyil.

4- İmam Huseynin (ə) moizəsi

Imam Hüseyn (ə) buyurur: Bəyənilməyən bir iş görüb üzr istəməkdın uzaq ol. Həqiqi mömin bəyənilməyıən iş görüb,sonrada üzr istəməz. Amma münafiq hər gün pis iş görüb, tez-tez üzr istəyər.

5- İmam Səccadın moizəsi

Imam Səccad (ə) buyurur: Üç şey var ki, möminin nicat vasitəsi hesab olur:

a) Dilini qoruyub,qeybətdən uzaq olmaq

b) Dünya və ya axirət üçün faydalı olan işləırlə məşğul olmaq

c) Günahlar üçün çoxlu göz yaşı tökmək

6- İmam Muhəmməd Baqirin (ə) moizəsi

İmam Məhəmməd Baqir (ə) buyurur: Çalış ki, münafiqlə dil tap,möminə isə həqiqi mənada məhəbbət bəslə və əgər yəhudi ilə bir məclisdə otursan, məclis qaydalarına riayət et.

7- İmam Sadiqin (ə) moizəsi

Imam Sadiq (ə) buyurur: Din qardaşlarından hər hansı biri sənə nalayıq söz demədən, sənə üç dəfə əsəbləşmiş olsa, onu özünə dost seç.

8- İmam Kazimin (ə) moizəsi

Imam Kazim buyurur: Ağıllı insan o kəsdir ki, onu təkzib edəcək söz danışmaz, onu məhrum etdikləri şeyi istəməz və əhdinə vəfa edə bilmədiyi şeyi söz verməz.

9- İmam Rzanın (ə) moizəsi

İmam Rza (ə) buyurur: Maddi imkanı geniş olan şəxs gərək öz ailəsini maddi baxımdan daha yaxşə təmin etsin.

10- İmam Cavadın (ə) moizəsi

Imam Cavad (ə) buyurur: Hər bir mömin zikr olunan bu üç xüsusiyyətə ehtiyacı var: Allahdan gələn tofiq,özü-özünə moizə etməsi və başqalarının nəsihətini qəbul etmək.

11- İmam Hadinin (ə) moizəsi

Imam Hadi (ə) buyurur: Özündən razı olan şəxsdən insanlar narazı olar.

12- İmam Həsən Əsgərinin (ə) moizəsi

Imam Həsən Əsgəri (ə) buyurur: İnsanlara yaxşılıq edəndə elə etmək lazımdır ki, onlar zəhmətə və çətinliyə düşməsinlər.

13- İmam Məhdinin (ə.f) moizəsi

Imam Mehdi (ə.f) buyurur: Zühurun tezləşməsi üçün çox dua edin. Çünki sizin çətinliklərinizin həlli də ona bağlıdır.

Toplayan və tərcümə edən-Kərbəlayi Elçin Əliyev