Ən son

Uzun Ömür. Namiq Xəlil.

04 Mart 2010 - 10:11

Bu dünyada səhvsiz insan olmayır

Ömür uzun olsa yenə dolmayır.

Min loğman yığılsa əcəl çatanda,

Ölüm yatağından xilas olmayır.

 

Ömürlər insan tək min sifət olur.

Əsil insan ömrü əziyyət olur.

Bu dünyada haqqı qəlbdən sevənin,

O dünyada yeri,bil,Cənnət olur.

 

Duamdır insanlar qəddar olmasın.

Ürəklərə nə küfr,nə qəm dolmasın.

Çalış yaxşılıqla hörmət qazan sən.

Qoy ömrün mənasız dadsız olmasın.

 

İnsan Əzraili görür bir dəfə

Özü də bilmədən dönür hədəfə

Vaxtilə pələng tək ov parçalayan,

İndi qaça bilmir heç bir tərəfə.

 

Nə qədər sən qəddar olursansa ol.

Mülayim olmağın bir məsləhətdir

Onu bil qəddarın yeri Cəhənnəm

Yaxşının yerisə dostum Cənnətdir.

 

Namiq Xəlil