Ən son

Çağırıram mövlam səni. Molla Süleyman Hacı oğlu.

03 Mart 2010 - 12:17

Məhəmmədin nəvəsiylə,

İki həzrət nəvəsiylə,

Həzrət Kübranın səsiylə.

Çağırıram, mövlam səni.

 

Bu məqamda Əli gəlsin,

Düldülünə səvar olsun.

Zalımlardan qisas alsın,

Çağırıram, mövlam səni.

 

Hanı Həsən hanı Hüseyn

Şəninə qəzəl deyin

Ağlayın, həm sinə döyün,

Çağırıram, mövlam səni

 

Dərdi olan Eyyub ilə,

Gözü yaşlı Yaqub ilə,

Ol Məhəmməd Məhbub ilə,

Çağırıram, mövlam səni

 

Göy üzündə İsa ilə,

Tur dağında Musa ilə

Əlindəki əsa ilə

Çağırıram, mövlam səni

 

Süleymanam, yana-yana

«Yandı bağrım, döndü qana»

Kömək ol sən hər insana

Çağırıram, mövlam səni

 

Qardaban rayonu, Candar kəndi.

Molla Süleyman Hacı oğlu.