Maşa Alalıkina Rusiyada çox məşhur bir addır. Belə ki, o iki il bundan əvvəl "Fabrika zvyozd"-yarışmasının məşhur üzvlərindən olub. Amma Maşa şöhrət pillələrinə çox sürətli çıxmasına baxmayaraq, birdən birə səhnələrdən itib. Buna səbəb isə xanımın hidayətə çatması idi. Çünki o iffəti və imanı ad-sana və dünyanın şöhrətinə dəyişmədi.(abna)

İslam.ru saytı Maşa Alalıkinadan müsahibə almışdır. Bizdə həmin müsahibəni sizə təqdim edirik.
- Nə baş verdi ki, bütün müvəffəqiyyət və şöhrətinizi ayaqlar altına alaraq İslam dinini seçdiniz?
Maşa: Mən ilahi lütflə Ona döndüm. Bu Allahın iradəsiylə reallaşdı.

- Müğənni olduğunuz günlərdə görəsən heç İslam dinini seçib oruc tutub, həccə gedəcəyiniz ağılınıza gəlirdimi?
Maşa: Xeyr, bir gün həccə gedəcəyim və ən üstün su olan zəmzəm suyunu içəcəyim ağılıma da gəlməzdi.

- İslam yolunu seçmək çətin olmadı ki?
Maşa: Mən iki il əvvəl Müsəlman olmuşam. Bir gün ən yaxın yoldaşlarımdan biri qəza nəticəsində komaya düşmüşdü. Ona necə kömək edəcəyimi bilməyirdim... O gün ilk dəfə namaz qılaraq dua etdim və Allahdan kömək dilədim.
Bir gün sonra komada olan yoldaşım mənə belə söylədi: "Mən komada olduğum vaxt səni gördüm, sən mənə çox kömək etdin!" Mən o an çox ağladım; çünki ömürümdə ilk dəfə Allahdan bir şey istəmişdim.

- İndi nə işlə məşğulsunuz?
Maşa: Mən beş Avropa dili bilirəm və hal-hazırda məktəblərdə və universitetlərdə dərs keçirəm.

- Musiqi də dinləyirsinizmi?
Maşa: Bəli, "Reyhan Qrupu", "Sami Yusuf" və Cat Stevens (İslam dinini seçdikdən sonra adını Yusuf İslam olaraq dəyişdirmişdi) kimi ifaçıları dinləyirəm.

- Beş Avropa dili ilə yanaşı Ərəb dilini də öyrənməyi düşünürsünüzmü?
Maşa: Əvvəllər Ərəb dilinin öyrənilməsinin çətin olacağını düşünürdüm, ancaq indi öyrənməyə başladım və çox da xoşlanıram. Elə düşünürəm ki, elm öyrənmək bizim üçün bir vəzifədir.

- Niyə İslam dininə o biri dinlərə nisbətdə daha çox yönəliş var?
Maşa: İslam o biri dinlərə nisbətdə ən güclü təmələ malikdir. İslamın bütün qanunları həyatın hər sahəsində tətbiq oluna bilməkdədir. İslam yolu insana xoşbəxtlik və səadət bəxş edir.

- Müsəlman olduğunuz üçün nə hiss edirsiniz?
Maşa: Xoşbəxtəm. İslamda dinində tapdım ki, mən kiməm, dünən kim idim və kim olacam. Mən bu gün gerçək həyatla tanış olmuşam. Artıq xoşbəxtəm.

- Keçmişinizlə indiki vəziyyətiniz arasında nə kimi fərqlər var?
Maşa: Allaha iman həyatımı dəyişdirdi. Allaha ibadət bütün insanların fitrətində mənliyinə qoyulmuşdur. Mən əminəm ki, Allah bizi yemək, içmək və yatmaq üçün yaratmayıb. Əksinə Ona qovuşmağımızı istəyir.

- Görəsən keçmişdəki müvəffəqiyyət və qazancınız heç ağılınıza gəlmirmi? O dövrlərin həsrətini çəkmirsinizmi?
Maşa: Onlar müvəffəqiyyət deyil, şıltaqlıq idi, Müsəlman olandan sonra mənim üçün dəyərsiz və nifrət etdiyim şeylərdir.

- Açıq bir şəkildə müsəlman olduğunuzu elan etməkdən qorxmursunuzmu?
Maşa: Xeyr, qorxmuram. Tam əksinə, bunu özümə bir vəzifə bilirəm. Başqalarını da pis yoldan qurtarmaq istəyirəm.

- Keçmişdəki şəkillərinizin internetdə gəzməsindən narahatlıq duyursunuzmu?
Maşa: Mənim özüm keçmişdəki şəkillərimə baxmaqdan xoşlanmıram. Amma insanlara ibrət olması üçün baxmalarında da bir problem görmürəm. Baxsınlar və anlasınlar ki, insan hardan hara gedə bilir. İnsan tövbə edə bilir və yaxşı işlər edərək keçmişdəki bütün çirklərindən təmizlənə bilər, inşallah.

- İndi başqalarına İslam haqqında nə kimi şeylər söyləmək istəyərsiniz?
Maşa: İslam bizi pis nəfsdən, təkəbbürdən, həsəddən, zülmdən, yalandan uzaq edir.

- Müsəlmanlara nə kimi mesajınız var?
Maşa: Din qardaşlarımın gözəl əməl və ibadətlərinin Uca Allah tərəfindən qəbul edilməsini və Allahın rəhmətinin üzərlərinə yağmasını arzu edirəm.

- Müsəlman olmayanlara mesajınız varmı?
Maşa: İslam dini ilə bu ana qədər müşərrəf olmayanlar, özlərinə qayıtsınlar. Göz və qulaqlarını yalan və şərlərdən uzaq etsinlər. Və bir az özləri haqqında düşünsünlər.

Rating (Votes: )

Comments (0)

Расскажи другу

печатать

---