24/03/2017 Ana səhifə Cavablar Linklər Bizim Haqqimizda Əlaqə
      [ Geniş Axtarış ]  
 
Dünya ədalət sorağında, ədalətsə Mehdi (ə) intizarındadır.
 
Bütün Məqalələr  
Quran
Xəbərlər
Əxlaq
Tarix
Bilirsinizmi?
Nübuvvət
İmamət
ქართულად
Ədəbiyyat
Əhkam
Ailə
Əqaid
Sual-cavab
Dua və Ziyarətnamələr
Dahilərimiz
Kitabxana
Maarif
İbadət
Hədis
İMAN jurnalı
::| Newsletter
Your Name:
Your Email:
 
 
 
Maarif
 
Hər şeydən ucuz insan həyatı...
Cümə günü, 06.01.2017, 07:00pm (GMT+4)

Bu dünyada ən dəyərli şey insan həyatı olmalıdır. Çünki, qalan hər nə varsa, məhz insanın istifadəsi üçün, insanın rifahının yaxşılaşdırılması üçün yaradılıb. Ən bahalı avtomobillər də, saraylar da, imarətlər də, qaş-daş, qızıl-zinət əşyaları da nə qədər dəyərli olurlarsa-olsunlar, insanın istifadəsi üçün hazırlandıqlarından, insan həyatının dəyəri ilə müqayisədə öz dəyərlərini itirirlər.

Bəli, bu dünyada ən dəyərli məfhum – insan həyatıdır. İnkişaf etmiş bəzi ölkələrdə də elə bu cürdür. Amma, bu “həyatı dəyərli” məfhumu yalnız öz vətəndaşları və ya öz vətəndaşları ilə eyni əqidədə olan insanlar üçün keçərlidir... Çox təəssüf olsun ki, dünyanın əksər ölkələrində insan həyatı heç bir dəyəri qalmayan, heç nəyi ifadə etməyən bir söz birləşməsinə çevrilib.

Ölüm haqdır. Bu dünyaya bir gün gələn, bir gün də mütləq getməlidir. Xəstəliklər də insan oğlunun həyatının tərkib hissəsidir. Nə heç kəsin atası-anası əbədi yaşayır, nə də ömründə ən azı bir neçə dəfə xəstələnməkdən kimsə yaxa qurtara bilir. Söhbət nə ölümdən gedir, nə də xəstəlikdən... Burada söhbət həmin “dəyərli insan həyatı” anlayışının hər tinbaşı tapdalanmasından gedir.

Bizdə adicə bir qripdən xəstəxanaya düşmək bəs edir ki, özümüzün bu dünyanın ən dəyərsiz, ən ucuz varlığı olmağımızın fərqinə varaq. Bunu bizə elə aydın başa salırlar ki, oradan qayıdandan sonra da uzun müddət öz yaradılışımızın adi bir ağcaqanadın varlığından da daha dəyərsiz və lazımsız olduğu düşüncəsi yaxamızı buraxmır. Açığı, bu, “ucuz insan həyatı” ideologiyası, sanki, hazırkı səhiyyənin kurrikulumu kimi bir şeydir. Büdcədən maliyyələşən səhiyyə təşkilatlarını deyirəm. Özəllərdə durum bəllidir: “pulunu ver, şəkilini çəkdir” misalı... Pulun yoxdursa, heç özəli klinikaların qapısından belə girə bilməzsən. Yəni sənin həyatın o zaman dəyərlidir ki, nə zaman ki, cibində pulun var. Yəni, əvvəl pulun dəyərlidir, sonra sənin həyatın.

Aydın məsələdir, özəl klinikalara və s.-dən çox şeylər tələb etmək olmur. Adamlar pul qoyub, zəhmət çəkib, klinika açıb, lap istəsə qapısını bağlayıb, içəri heç kəsi buraxmaz. Camaatın özəl mülküdür. Bu, təbii ki, azərbaycansayağı bir yanaşmadır. Bəlkə də dünya standartları baxımından həmin özəl səhiyyə təşkilatlarının da vətəndaşlar qarşısında hansısa öhdəliyi var və s. Necə ki, supermarketdə əgər vitrində olan malın üzərində bir qiymət yazılıbsa, kassada bundan çox qiymət göstərilirsə, biz vitrindəkini verməliyik, kassada göstərilən qiymətin artığını o sıradan məsul olan market işçisi çıxardıb cibindən verməlidir. Çünki, düzgün qiyməti malın üzərinə yapışdırmamaqla məsuliyyətsizlik edib...

Bu qədər milyonlarca haqqımız-hüququmuz var. Çoxundan heç xəbərimiz yoxdur...

Həyatda insanın çox arzuları ola bilər. Qubada baş verən sonuncu dəhşətli hadisədən sonra səmimi qəlbdən həkimlərin maaşının bir neçə dəfə artırılmasını istəyirəm. İstəyirəm ki, həkimlərin və bütünlükdə tibb işçilərinin məvacibi o qədər olsun ki, onlar işə gələndə zehnləri məişət problemlərindən qurtulsun və bu an əllərinin altında olan canlının dünyanın ən dəyərli varlığı olduğunun fərqinə varsınlar. Qoy hiss etsinlər ki, onlardan bu an kömək uman insan, bu kainatın əşrəfi olan insandır. Nəinki, bir milçək və ya ağcaqanad...

Başa düşsünlər ki, insan həyatı dəyərlidir. Başa düşsünlər ki, insanlarla milçəklə davranılan kimi davrana bilməzlər. Bilsinlər ki, onların peşəsi insanı sağaltmaqdır. Qışqırmaq-bağırmaq, məsuliyyətsizlik etmək, sayğısız davranmaq, dünən “kliyent-xəstə” az olduğu üçün evə az daş-baş apardığına görə, bu gün o biri xəstələrə qarşı aqressiv yanaşmaq, ətlik-südlük heyvan kimi baxmaq olmaz.

Sənin peşən həkimdirsə, insanları sağaltmalısan. Bu, sənin peşəndir. Sən artıq neçənci dəfədir öz məsuliyyətsizliyinlə, insan həyatına dəyər verməməyinlə gündəmə gəlirsən.

Çoxu hələ yəqin ki, üzə çıxmır... Künclərdə itib-batır... Dayan artıq! İnsanlarla həşarat kimi davranmana bir son ver, insanlara qəssab kimi davranmağa bir son ver... İnsan həyatını ucuzlaşdıra-ucuzlaşdıra cəmiyyətdə özünü də ucuzlaşdırdığının fərqinə var!

Allah heç kimə xəstəliyə düçar olub, indiki həkimlərə möhtac olmağı nəsib etməsin. Çünki, bəzi həkimlərə möhtac olanda, insan yaradılışının dəyərini də unudur. Mütləq unutdururlar!

 

Xəyalə Quliyeva-deyerler.org


Rating (Votes: )   
    Comments (0)        Dosta deyin        Çap


Other Articles:
Dəm qazından zəhərlənmə. SİMPTOMLAR VƏ İLK YARDIM (06.01.2017)
Əsrin xəstəliyi - Düşünmək (04.01.2017)
Xristian Milad bayramı, yolka ağacı və Şaxta baba (29.12.2016)
Milad bayramı, dini, yoxsa qeyri-dini (29.12.2016)
Ailə həyatı qurmağın zəruriliyi (29.12.2016)
Müsəlmana elm öyrənmək niyə vacibdir? (29.12.2016)
İslamda dövlət müstəqilliyi (28.12.2016)
İntiharın səbəbi (28.12.2016)
İnsan dinə nələrdə ehtiyac duyur? (28.12.2016)
Quran və Ziyalı (28.12.2016)



 
::| Son Yeniliklər
::| Events
Mart 2017  
Bz Bz er Çər ax Çər Cm ax Cm Şn
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 

  Powered by iman Copyright © 2009 All rights reserved.
[Səhifənin Əvvəlinə]