20/02/2018 Ana səhifə Cavablar Linklər Bizim Haqqimizda Əlaqə
      [ Geniş Axtarış ]  
 
Dünya ədalət sorağında, ədalətsə Mehdi (ə) intizarındadır.
 
Bütün Məqalələr  
Quran
Xəbərlər
Əxlaq
Tarix
Bilirsinizmi?
Nübuvvət
İmamət
ქართულად
Ədəbiyyat
Əhkam
Ailə
Əqaid
Sual-cavab
Dualar
Dahilərimiz
Kitabxana
Maarif
İbadət
Hədis
İMAN jurnalı
::| Newsletter
Your Name:
Your Email:
 
 
İmamət
 
Aqibəti xeyirli olan yoxsul qadın və İmamın (ə) hədiyyəsi
Cümə axşamı, 25.01.2018, 03:20pm (GMT+4)

Nişapur əhlindən bir dəstə Mədinəyə səfər qəsdi ilə şəhərdən çıxırlar. Onlar İmam Kazımla (ə) görüşməyi qərara alırlar. Əli ibni Raşid Nişapur camaatının nümayəndəsi kimi İmamın (ə) payını öhdəsinə götürür. Ona görə də hər kimin boynunda İmamın (ə) payı olur, onu Əli ibni Raşidə verirlər.

Burada yaşayan Şətitə adlı yoxsul bir qadın var idi ki, maddi cəhətdən əziyyət çəkirdi. O, bir dirhəm pul və bir qədər parçanı İmamın (ə) payı kimi Əli ibn Raşidin yanına gətirir və verir. Baxmayaraq ki, verdikləri başqalarının payı yanında çox az görünürdü, ancaq niyyəti ixlaslı idi.

Əli ibn Raşid, Şətitənin verdiklərindən bir növ xəcalət çəkir. Şətitə onun bu halını görəndə deyir: “Haqqı bəyan etməyin xəcaləti yoxdur. Xəcalət o zaman olar ki, ölərəm və İmamın (ə) borcu boynumda qalar. Mənim payım elə bu qədərdir, ondan artığına vəzifəm yoxdur”.

Əli ibni Raşid Mədinəyə gəlib çatır və Əhli-Beyt (ə) davamçılarının əmanətini İmama (ə) təslim edir. Ancaq Şətitənin adını çəkmir.

Bu zaman İmam (ə), Əlini qabaqlayır və Şətitənin verdiyi pulu və parçanı istəyir. İmam (ə) onları alan zaman buyurur: “Mənim salamımı ona çatdır və de ki, ömrü sona çatmaqdadır. Bir neçə gündən artıq sağ qalmayacaqdır”.

Sonra Əliyə bir parça verib buyurur: “Bu parça mənim kəfənimdir və üstəlik 40 dirhəmlə birlikdə onları Şətitəyə ver. Ona de ki, mən onun üçün meyit namazı qılacağam”.

Əli ibni Raşid həcc mərasimindən sonra vətəninə qayıdır və hədiyyəni Şətitəyə verir. Nişapur xalqı onun bu halına qibtə edirlər. Şətitə özünü Allahla görüşə hazırlayır və Əli ibni Raşid qayıdandan 19 gün sonra dünyasını dəyişir.

Şətitə yoxsul olsa da, əməlləri və niyyətləri xalis olan bir xanım idi. Ona görə də İmamın (ə) da xüsusi inayəti ilə aqibət xeyirli oldu.

İndi də həmin xanımın qəbri Nişapurda mövcuddur və insanlar mənəvi bərəkət almaq üçün onun qəbrini ziyarət edirlər.

 

 

 

deyerler.org


Rating (Votes: )   
    Comments (0)        Dosta deyin        Çap


Other Articles:
Həzrət Zeynəbin (s.ə) ləqəbləri və künyəsi (23.01.2018)
Həzrət Zeynəbin (s.ə) kəramətlərindən biri (22.01.2018)
Axıril-zamanda bizləri nə gözləyir? (16.01.2018)
İmam Sadiqin (ə) verdiyi 2 sadə nəsihət bu insanı dövlətli etdi (16.01.2018)
Zühur dönəmində qiyam edəcək Seyyid Xorasani kimdir? (16.01.2018)
İmamın (ə.f) bulud arxasında olan günəşlə müqayisəsi nə məna daşıyır? (12.01.2018)
İmam Musa Kazımın (ə) şükür etmək məktəbi (09.01.2018)
İmam Zaman ağa (ə.f) bizim dualarımıza “amin!” deyər! (09.01.2018)
İmam Əlidən (ə) eşitdiyi qeybi xəbərin təsdiqi də onu hidayət etmədi (08.01.2018)
Zühur əsrində Allahın qeybi yardımları (03.01.2018)



 
::| Son Yeniliklər
::| Events
Fevral 2018  
Bz Bz er Çər ax Çər Cm ax Cm Şn
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      
 

  Powered by iman Copyright © 2009 All rights reserved.
[Səhifənin Əvvəlinə]